- 2019-09-26 03:01:41
- ព័ត៌មាន
មកមើលរូបពិតៗរបស់ Mi Mix Alpha (វីដេអូ)
- 2019-09-26 03:01:41
- ចំនួនមតិ 0 | ចំនួនចែករំលែក 0
មកមើលរូបពិតៗរបស់ Mi Mix Alpha (វីដេអូ)
ចន្លោះមិនឃើញ
Mi Mix Alpha ជាស្មាតហ្វូនប្លែកដាច់គេមួយ ដែលត្រូវបានប្រកាសចេញជាផ្លូវការដោយក្រុមហ៊ុនចិន Xiaomi។ វាជាស្មាតហ្វូនដំបូងគេដែលមានអេក្រង់ព័ទ្ធដល់ផ្នែកខាងក្រោយ និងមានបំពាក់កាមេរ៉ាកម្រិត ១០៨ MP មុនគេទៀតផង។
យ៉ាងណាក្ដីរចនាបថថ្មីនេះ ធ្វើឲ្យស្មាតហ្វូនមានកម្រាស់ក្រាស់។ Mi Mix Alpha មានវិមាត្រ១៥៤,៤x៧២,៤x១០,៤ ម.ម ជាមួយទម្ងន់ ២៤១ ក្រាម ដែលវាធ្ងន់ហើយក្រាស់ជាងស្មាតហ្វូនដទៃ។ តួយ៉ាង iPhone 11 Pro Max មានកម្រាស់ ៨,១ ម.ម និងមានទម្ងន់ ២២៦ ក្រាម។
ប៊ូតុងបិទ/បើកសំឡេង បានប្ដូរមកជាប៊ូតុង Touch វិញ ដែលមានទីតាំងនៅផ្នែកខាងស្ដាំ ហើយប៊ូតុង Power ស្ថិតនៅផ្នែកខាងលើ។ ជាមួយអេក្រង់លាតសន្ធឹងពេញទីបែបនេះ Xiaomi បានប្រើប្រាស់នូវ AI គួបផ្សំជាមួយ Sensor ដើម្បីបញ្ចៀសការបញ្ជាដោយអចេតនា។
ស្មាតហ្វូននេះដំណើរការដោយ Android 10 ជាមួយស្បែក MIUI 11។ អេក្រង់គឺជាប្រភេទ Super AMOLED ដែលមានវិមាត្រអេក្រង់ ១៨០% ធៀបនឹងតួខ្លួន និងអាចបង្ហាញរូបភាពក្នុងកម្រិត ២០៨៨x២២៥០ ភីកសែល។
Mi Mix Alpha មានប្រើបន្ទះឈីប Snapdragon 855+, RAM ទំហំ ១២ GB, អង្គផ្ទុកទំហំ ៥១២ GB, ថ្មទំហំ ៤០០០ mAh និងសាកថ្មល្បឿនលឿន ៤០ វ៉ាត់ ហើយមានប្រព័ន្ធ 5G និងទ្រនាប់ស្កេនម្រាមដៃលើអេក្រង់ទៀតផង។ Xiaomi គ្រោងនឹងបញ្ចេញលក់ស្មាតហ្វូននេះនៅអំឡុងខែធ្នូ ដោយមានតម្លៃខ្ទង់ ២ ៨០០ ដុល្លារ៕
ចុចអាន ៖ Xiaomi បញ្ចេញទូរសព្ទអេក្រង់ព័ទ្ធជុំវិញ 4D មានកាមេរ៉ា 108MP