បច្ចេកវិទ្យា IVF ជួយឲ្យស្រ្តីវ័យ៧៤ឆ្នាំម្នាក់ឆ្លងទន្លេបានកូនភ្លោះដោយជោគជ័យ

2019-09-07 02:53:00
ព័ត៌មាន

2019-09-07 02:53:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ត្រីវ័យ ៧៤ ឆ្នាំម្នាក់បានផ្តល់កំណើតដល់កូនភ្លោះស្រី២នាក់តាមរយៈការប្រើបច្ចេកវិទ្យា IVF នៅរដ្ឋអង់ដ្រាប្រាដេស (Andhra Pradesh) ភាគខាងត្បូងប្រទេសឥណ្ឌាកាលពីថ្ងៃទី ៥ ខែកញ្ញា។

លោកតា យ៉ារ៉ាម៉ាទី ស៊ីតារ៉ាម៉ា រ៉ាចារ៉ាវ វ័យ៨២ឆ្នាំឈរជិតកូនភ្លោះម្នាក់ក្នុងចំណោមកូនភ្លោះដែលភរិយាវ័យ៧៤ឆ្នាំរបស់គាត់ទើបឆ្លងទន្លេ

វេជ្ជបណ្ឌិតដែលបានផ្តល់កំណើតឱ្យទារកនោះឈ្មោះ Sankkayala Uma Shankar បានប្រាប់កាសែត Washington Post កាលពីថ្ងៃសុក្រថាម្តាយនិងកូនភ្លោះមានសុខភាពល្អ តែទារកនីមួយៗមានទម្ងន់ត្រឹមតែ ១គីឡូក្រាមប៉ុណ្ណោះ។

ប្រភពខាងលើបន្តថា ស្រ្តីចំណាស់រូបនោះប្រើការចាក់បញ្ចូលអំប្រ៊ីយ៉ុងតែម្តងគត់ និង ពពោះទារកភ្លោះនោះរហូតដល់ថ្ងៃកើត និង សម្រាលដោយការវះកាត់។

ស្រ្តីឈ្មោះ ម៉ាងហ្គាយ៉ាម៉ា យ៉ារ៉ាម៉ាទី (Mangayamma Yaramati) វ័យ៧៤ និង ប្តីរបស់គាត់ឈ្មោះ យ៉ារ៉ាម៉ាទី ស៊ីតារ៉ាម៉ា រ៉ាចារ៉ាវ (Yaramati Sitarama Rajarao) អាយុ ៨២ បានរួមរស់ជាមួយគ្នាអស់រយៈពេល ៥៧ ឆ្នាំមកហើយ។ ពួកគាត់ទាំង២នាក់សម្រុកយកកូនតាំងពីការថ្មីថ្មោងម្ល៉េះ ប៉ុន្តែមិនអាចមានតាមបំណងសោះ។

ម៉ាងហ្គាយ៉ាម៉ា យ៉ារ៉ាម៉ាទី វ័យ៧៤ឆ្នាំបន្ទាប់ពីសម្រាលកូនភ្លោះស្រីដោយការវះកាត់

ទីបំផុតពួកគាត់ក៏អាចមានកូនបានដោយប្រើបច្ចេកវិទ្យា IVF។ IVF មកពីពាក្យពេញថា In vitro fertilization គឺការបង្កកំណើតដោយចាក់បញ្ចូលគ្នារវាងមេជីវិតឈ្មោលនិងមេជីវិតញី បន្ទាប់មកគេយកអំប្រ៊ីយ៉ុងដែលបង្កកំណើតនោះចាក់បញ្ចូលទៅក្នុងស្បូនដើម្បីពពោះ៕

ប្រភព៖ Washingtonpost ប្រែសម្រួល៖ សុខ លាងហ៊ត