មិនមែនឥណ្ឌា មិនមែនចិន តែ Apple រត់ទៅផលិត MacBook/iPad នៅប្រទេសថ្មីមួយទៀត

2019-05-27 01:23:03
ព័ត៌មាន

2019-05-27 01:23:03
ចំនួនមតិ 0 | ចំនួនចែករំលែក 0

ចន្លោះមិនឃើញ

យោងតាមរបាយការណ៍ចុងក្រោយបង្អស់បានចុះផ្សាយថារោងចក្រ Pegatron ដែលសហការជាមួយក្រុមហ៊ុនយក្ស Apple នឹងចាប់ផ្តើមចង្វាក់ផលិតកម្មកុំព្យូទ័រ MacBook និង iPad នៅទីតាំងថ្មីក្នុងទីក្រុង Batam ប្រទេសឥណ្ឌូណេស៊ី ដែលជារោងចក្រស្ថិតក្រៅតំបន់គ្រោះថ្នាក់ និងជាគោលដៅជៀសវាងការរាំងស្ទះដោយសារសង្រ្គាមពាណិជ្ជកម្ម។

ប្រភពពីសារព័ត៌មាន DigiTimes បានឲ្យដឹងថាគម្រោងនៃចង្វាក់ផលិតកម្មថ្មីនេះ ក៏ស្ថិតក្នុងផែនការណ៍បណ្តាក់ទុនប្រមាណ ៣០០ លានដុល្លារ ដែល Pegatron ចង់បង្កើតរោងចក្រថ្មី ២ ក្នុងប្រទេសឥណ្ឌូណេស៊ី។

តាមពិតទៅដំបូងឡើយក្រុមហ៊ុននេះក៏មានបំណងចង់រត់ទៅបើករោងចក្រនៅវៀតណាម ប៉ុន្តែជាលទ្ធផលសម្រេចក៏ជ្រើសយកឥណ្ឌូណេស៊ីជំនួសវិញ។

រំឭកថានេះពុំមែនជាផែនការណ៍ដំបូងនោះទេ ដោយកន្លងទៅក៏ធ្លាប់មានរបាយការណ៍ជាក់ស្តែងមួយដែលថា Foxconn ដែលជាដៃគូកាន់ឆ្នាំជាមួយ Apple ក៏កំពុងរៀបចំការសាកល្បងដំឡើង iPhone X នៅប្រទេសឥណ្ឌាផងដែរ ពោលបានព្យាយាមដកខ្លួនម្តងបន្តិចចេញពីទីផ្សារចិន ស្របពេលឥទ្ធិពលនៃសង្រ្គាមពាណិជ្ជកម្មរវាងប្រទេសមហាអំណាចទាំងពីរនៅតែមិនទាន់រកដំណោះស្រាយរួចរាល់៕