សំណួរ-ចម្លើយចាក់ដោត ពីអ្នកប្រើទូរសព្ទរបស់ Huawei

2019-05-21 06:25:00
ព័ត៌មាន

2019-05-21 06:25:00
ចំនួនមតិ 0 | ចំនួនចែករំលែក 0

ចន្លោះមិនឃើញ

សង្គ្រាមពាណិជ្ជកម្មរវាងសហរដ្ឋអាមេរិកនិងចិនបាននឹងកំពុងរងភាពតានតឹង រហូតត្រូវបង្ខំចិត្តឲ្យក្រុមហ៊ុន Google ត្រៀមនឹងបញ្ចប់ការសហការជាមួយក្រុមហ៊ុនយក្សចិន Huawei។ ទាក់ទិននឹងបញ្ហានេះ អ្នកប្រើប្រាស់ទូទាំងពិភពលោកបានលើកជាសំណួរ-ចម្លើយចាក់ដោតជាច្រើនដូចខាងក្រោម៖

រូបតំណាង

-សំណួរ៖ តើខ្ញុំត្រូវឈប់ប្រើស្មាតហ្វូនរបស់ Huawei មែនទេ?

-ចម្លើយ៖ ទេ! Huawei បានបញ្ជាក់ថា ក្រុមហ៊ុននៅតែបន្តដំណើរការផ្គត់ផ្គង់ផ្នែក OS ដដែល។ ក្រុមហ៊ុន Huawei នៅតែបន្តផ្តល់ការអាប់ដេតប្រព័ន្ធសុវត្ថិភាព និងសេវាកម្មនានាបន្ទាប់ពីការលក់ចំពោះអតិថិជនដែលប្រើប្រាស់ស្មាតហ្វូន Huawei, Honor និង ថេបប្លេត ដែលបានលក់និងនៅក្នុងស្តុកទាំងអស់ទូទាំងសកលលោក។

Huawei នឹងនៅតែបន្តរៀបចំ Ecosystem software ដែលមានសុវត្ថិភាព ដើម្បីផ្ដល់នូវបទពិសោធន៍ដ៏ល្អបំផុតដល់អ្នកប្រើប្រាស់ទាំងអស់នៅទូទាំងសកល។

-សំណួរ៖ តើខ្ញុំអាចចូលទៅប្រើសេវាកម្មរបស់ Google បានទៀតអត់?

-ចម្លើយ៖ បាន។ ទាំងសេវាកម្ម Google Assistant និង Google Apps នៅតែប្រើបានលើស្មាតហ្វូន Huawei ទាំងអស់ដដែល។

-សំណួរ៖ តើកម្មវិធីនឹងឈប់ទទួលបានការអាប់ដែត Security updates មែនទេ?

-ចម្លើយ៖ ដូចរៀបរាប់ខាងលើគឺកំណែ Update ផ្នែកសុវត្ថិភាពទូរសព្ទអ្នក នៅតែអាចទទួលបាន និងប្រើបានធម្មតាដែល ដោយសារតែAndroid operating system ដែល Huawei ចុះកិច្ចសន្យាលើ Android Open Source Project (AOSP) រួចរាល់ហើយ។

-សំណួរ៖ តើ OS ថ្មីនឹងអាចប្រើបានចំពោះស្មាតហ្វូនចាប់ពីស៊េរីណា?

-ចម្លើយ៖ ស្មាតហ្វូនស៊េរីចាប់ពី Huawei Mate30 ឡើងនឹងបានសាកភ្លក់រសជាតិ OS ថ្មីផ្ទាល់របស់ Huawei មុនគេនៅអំឡុងចុងឆ្នាំ ២០១៩ ខាងមុខនេះ។

-សំណួរ៖ តើក្រៅពី Google នៅមានក្រុមហ៊ុនអាមេរិកណាទៀតដែលត្រៀមនឹងបញ្ចប់ការសហការជាមួយក្រុមហ៊ុនយក្សចិន Huawei?

-ចម្លើយ៖ យោងតាមប្រភពសារព័ត៌មានបរទេស Theguardian ចុះផ្សាយនៅថ្ងៃនេះ បានឲ្យដឹងថា មានក្រុមហ៊ុនផ្គត់ផ្គង់ផ្នែក Hardware ដូចជា Intel និង Qualcomm បានត្រៀមនឹងបញ្ចប់ការសហការជាមួយក្រុមហ៊ុនយក្សចិន Huawei ដែរ៕

អត្ថបទទាក់ទង៖

ប្រភព៖ theguardian ប្រែសម្រួល៖ រក្សា