- 2019-05-10 02:26:36
- ព័ត៌មាន
iPhone លក់នៅអាមេរិកខាងជើង ក៏ធ្លាក់ចុះសម្បើមដែរ
- 2019-05-10 02:26:36
- ចំនួនមតិ 0 | ចំនួនចែករំលែក 0
iPhone លក់នៅអាមេរិកខាងជើង ក៏ធ្លាក់ចុះសម្បើមដែរ
ចន្លោះមិនឃើញ
ក្រុមហ៊ុនវិភាគទីផ្សារ Canalys បានចេញផ្សាយរបាយការណ៍ថ្មីមួយ បង្ហាញអំពីស្ថានភាពទីផ្សារស្មាតហ្វូននៅទ្វីបអាមេរិកខាងជើង អំឡុងត្រីមាសដំបូងនៃឆ្នាំ ២០១៩ នេះ។ ក្រុមហ៊ុននេះបានបង្ហា្ថាចំនួនលក់ស្មាតហ្វូនបានធ្លាក់ចុះ ១៨% ធៀបនឹងឆ្នាំមុន មានចំនួនសរុប ៣៦,៤ លានគ្រឿង ដែលនេះជាឆ្នាំទី ៥នៃការធ្លាក់ចុះ។
ទិន្នន័យរបស់Canalys បានបង្ហាញដែរថា Apple លក់ស្មាតហ្វូនបាន ១៤,៦ លានគ្រឿង នៅអាមេរិកខាងជើង ដោយមានការធ្លាក់ចុះ ១៩% ធៀបនឹងឆ្នាំមុន។ ក្នុងចំណោមនេះមាន ៤,៥ លានគ្រឿង គឺជា iPhone XR ដែលជាស្មាតហ្វូនលក់ដាច់បានច្រើនជាងគេនៅតំបន់នេះ។
ប្រៀបធៀបនឹង Samsung ឯណោះវិញ ឃើញថាចំនួនលក់មានការកើនឡើង ៣% ហើយ LG បានធ្លាក់ចុះ ២៤% ឯណោះ។
ត្បិតថាចំនួនលក់ iPhone មានការធ្លាក់ចុះមែន ប៉ុន្តែ Apple នៅតែអាចក្ដោបក្ដាប់ទីផ្សារបានដល់ ៤០% នៅអាមេរិកខាងជើង ខណៈ Samsung មានទីផ្សារ ២៩,៣% និង LG មានទីផ្សារ ១៤,៤%។
Canalys បានពន្យល់ថា ចូលដល់ខែមីនា ចំនួនលក់ iPhone XR មានការកើនឡើង ដោយសារតែ Apple បានឃោសនាអំពីកម្មវិធី Trade-In មួយទំហឹង។ បន្ថែមពីនេះការបញ្ចុះតម្លៃ iPhone ស៊េរីចាស់ដូចជា iPhone 6s/iPhone 7 ក៏ជួយបង្កើនចំនួនលក់ដែរ៕
ចុចអាន៖