- 2019-03-29 08:43:23
- ព័ត៌មាន
Huawei រកចំណូលបានខ្ទង់ ១០០ ពាន់លានដុល្លារជាលើកដំបូង នៅឆ្នាំ ២០១៨
- 2019-03-29 08:43:23
- ចំនួនមតិ 0 | ចំនួនចែករំលែក 0
Huawei រកចំណូលបានខ្ទង់ ១០០ ពាន់លានដុល្លារជាលើកដំបូង នៅឆ្នាំ ២០១៨
ចន្លោះមិនឃើញ
នៅថ្ងៃសុក្រនេះ ក្រុមហ៊ុនបច្ចេកវិទ្យា Huawei បានបញ្ចេញរបាយការណ៍ហិរញ្ញវត្ថុប្រចាំឆ្នាំ ២០១៨ ដែលបានបង្ហាញថាចំណូលរបស់ខ្លួនមានការកើនឡើង ១៩,៥% បើសិនធៀបនឹងឆ្នាំ ២០១៧។
នៅក្នុងឆ្នាំ ២០១៨ ក្រុមហ៊ុននេះរកចំណូលបានប្រមាណ ១០៧,១៣ ពាន់លានដុល្លារ ហើយជាលើកដំបូងក្នុងប្រវត្តិសាស្ត្រដែលអាចរកចំណូលបានខ្ទង់ ១០០ ពាន់លានដុល្លារបែបនេះ។ ផ្នែកដែលរកចំណូលបានច្រើនជាងគេគឺផ្នែកលក់គ្រឿងអេឡិចត្រូនិក ដែលអាចរកចំណូលបានប្រមាណ ៥២ ពាន់លានដុល្លារ កើនឡើងរហូតដល់ ៤៥,១% ឯណោះ។
ផ្នែកបន្ទាប់គឺការលក់ឧបករណ៍ Network ដែលអាចចំណូលបានប្រមាណ ៤៣,៩ ពាន់លានដុល្លារ។ យ៉ាងណាតួលេខនេះមានការធ្លាក់ចុះបន្តិច បើប្រៀបនឹងឆ្នាំ ២០១៧ ដែលរកចំណូលបានសរុបប្រមាណ ៤៤,៤ ពាន់លានដុល្លារ។ នេះក៏ដោយសារស្ថិតក្រោមស្ថានភាពតានតឹងក្នុងទឹកដីសហរដ្ឋអាមេរិក, អូស្ត្រាលី និងចក្រភពអង់គ្លេសជាដើម។
គួរដឹងថាក្នុងចំណោមប្រាក់ចំណូល ១០៧,១៣ ពាន់លានដុល្លារ ដែល Huawei រកបាននៅឆ្នាំ ២០១៨ មាន ៨,៨ ពាន់លានដុល្លារគឺជាប្រាក់ចំណេញ ដែលបានកើនឡើង ២៥% ឯណោះ។ នៅឆ្នាំ ២០១៩ នេះ Huawei រំពឹងថានឹងមានកំណើន ២ លេខបន្តទៀត ដោយជាក់ស្ដែងគិតត្រឹមចន្លោះខែមករា និង កុម្ភៈឆ្នាំ ២០១៩ ក្រុមហ៊ុនកើនឡើងចំណូល ៣០% ទៅហើយ៕
ចុចអាន៖