ខុសរាល់ដង! សម្ពោធ S10/ S10+ តែ Samsung បែរផ្ដោតរឿងមួយនេះទៅវិញ

2019-02-25 04:59:19
ព័ត៌មាន

2019-02-25 04:59:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនសាខាថៃ Samsung អេឡិចត្រូនិកប្រចាំកម្ពុជា បានរៀបចំកម្មវិធីដ៏ធំមួយនៅសណ្ឋាគារ Garden City កាលពីថ្ងៃសុក្រ សប្ដាហ៍មុន ដោយឆ្នាំនេះ មិនត្រឹមតែសម្ពោធ Smartphone Galaxy S10/ S10+ នោះទេ ក្រុមហ៊ុនកូរ៉េនេះ ក៏បានផ្ដោតសំខាន់ទៅលើខួបអបអរសាទរខួប ១០ ឆ្នាំរបស់ Samsung Galaxy សេរ៊ី S ផងដែរ។

លោក Seungho Choi អគ្គនាយកសាខាក្រុមហ៊ុនថៃ Samsung អេឡិចត្រូនិកប្រចាំកម្ពុជា បានលើកឡើងថា Samsung មិនត្រឹមតែអបអរដល់ការបង្ហាញខ្លួនរបស់ Smartphone Galaxy ដែលមានភាពច្នៃប្រឌិតខ្ពស់នោះទេ តែលោកក៏ប្រារព្ធខួប ១០ឆ្នាំ នៃការប្រឹងប្រែងអភិវឌ្ឍឥតឈប់ឈរនៃវិស័យបច្ចេកវិទ្យាថ្មី គំនិតថ្មីផងដែរ។

លោក Seungho Choi អគ្គនាយកសាខាក្រុមហ៊ុនថៃ Samsung អេឡិចត្រូនិកប្រចាំកម្ពុជា

ជាក់ស្ដែង Smartphone សេរ៊ី S ចុងក្រោយដែលបញ្ចេញមកដើម្បីអបអរខួប ១០ ឆ្នាំនេះ បានបង្ហាញរូបរាងថ្មីទៅលើអេក្រង់ខាងមុខឲ្យឈ្មោះថា Infinity-O Display ដែលលាតស្ទើរតែគ្មានគែម បច្ចេកវិទ្យាដោះសោលើអេក្រង់ Ultrasonic Fingerprint កាមេរ៉ាលំដាប់អាជីព Pro-Grade Camera និងមុខងារសំខាន់ៗទៀត។

គួរបញ្ជាក់ផងដែរថា Galaxy S10 និង S10+ បានបើកឲ្យកុម្ម៉ង់ទុកមុនហើយចាប់ពីថ្ងៃទី២៣ កុម្ភៈ ដល់ ៥ មីនា ជាមួយជម្រើស ៣ ពណ៌ គឺខ្មៅ ស និងបៃតង៕