ស្មានមិនដល់ Osmo Pocket លក់នៅខ្មែរតម្លៃប៉ុណ្ណេះ

2018-11-30 03:25:01
ហាងឆេងផលិតផល

2018-11-30 03:25:01
ចំនួនមតិ 0 | ចំនួនចែករំលែក 0

ចន្លោះមិនឃើញ

Osmo Pocket ដែលជាកាមេរ៉ាប្រភេទ Action របស់ក្រុមហ៊ុន DJI ប្រកាសចេញម្សិលមិញនេះ ទទួលបានការចាប់អារម្មណ៍ខ្លាំងបំផុតពីសំណាក់យុវវ័យដោយសារមានមុខងារពិសេសៗ និងតម្លៃធូរជាងកាមេរ៉ាពពួក GoPro។

នៅលើទីផ្សារបរទេស Osmo Pocket ត្រូវបានកំណត់លក់ក្នុងតម្លៃ ៣៤៩ ដុល្លារ ដែលនឹងចេញលក់នៅថ្ងៃទី ១៥ ខែធ្នូខាងមុខ។ ដោយឡែកសម្រាប់នៅកម្ពុជា មានហាងលក់គ្រឿងអេឡិចត្រូនិកមួយបានបង្ហាញពីតម្លៃកាមេរ៉ាតូចច្រឡឹងនេះ ដោយលក់តម្លៃត្រឹម ៣៤៩ ដុល្លារដូចគ្នា និងលក់នៅអំឡុងពាក់កណ្ដាលខែធ្នូដូចគ្នា។

តម្លៃ ៣៤៩ ដុល្លារនេះ អាចធ្វើឲ្យអតិថិជនមួយចំនួនមានការភ្ញាក់ផ្អើល ដោយសារមានមួយចំនួនរំពឹងថានៅកម្ពុជា អាចមានតម្លៃថ្លៃជាងលើទីផ្សារបរទេស។

Osmo Pocket នេះមានអ័ក្សទប់លំនឹងចំនួន ៣ និងមាន Sensor កម្រិត 1/2.3 អ៊ីញ អាចថតវីដេអូដល់កម្រិត 4K នៅល្បឿន 60 fps។ កាមេរ៉ានេះក៏អាចថតរូបទំហំ ១២ MP និងមានរន្ធស្រូបសំឡេងចំនួនពីរ សម្រាប់ការថតយកសំឡេង។ DJI អះអាងថា Osmo Pocket អាចប្រើប្រាស់បានដល់ ២ ម៉ោង សម្រាប់ការថតវីដេអូ 4K នៅល្បឿន 30fps។

លើកាមេរ៉ានេះមានអេក្រង់ Touch តូចមួយ សម្រាប់បង្ហាញប្លង់នៃរូបភាព។ ដើម្បីអាចមើលឃើញធំ អាចភ្ជាប់ជាមួយ iPhone ឬ ស្មាតហ្វូន Android ដោយប្រើឌុយត និងប្រើកម្មវិធីរបស់ DJI។ ទោះបីមានទំហំតូច ប៉ុន្តែមានផ្ដល់នូវមុខងារពិសេសៗដូចផលិត DJI ដទៃដែរ រួមមាន Object Tracking, Face Tracking, Time-lapse និង Auto Panorama ជាដើម។ Osmo Pocket មានទទួលកុម្ម៉ង់ទិញទុកមុននៅហាងឡេងឃាងចាប់ពីថ្ងៃនេះតទៅ៕

ចុចអាន៖

អត្ថបទ៖ សុខហេង