- 2018-10-19 07:14:48
- ព័ត៌មាន
Suzuki និង Mitsubishi សម្រេចឈប់លក់ឡានម៉ាស៊ូតនៅអឺរ៉ុប
- 2018-10-19 07:14:48
- ចំនួនមតិ 0 | ចំនួនចែករំលែក 0
Suzuki និង Mitsubishi សម្រេចឈប់លក់ឡានម៉ាស៊ូតនៅអឺរ៉ុប
ចន្លោះមិនឃើញ
Suzuki និង Mitsubishi គឺជាក្រុមហ៊ុនរថយន្តចុងក្រោយដែលសម្រេចចិត្តឈប់លក់រថយន្តប្រើម៉ាស៊ីនម៉ាស៊ូតក្នុងតំបន់អឺរ៉ុប។ Nissan និង Toyota ជាក្រុមហ៊ុនជប៉ុនដំបូងគេដែលបានប្រកាសពីការឈប់លក់រថយន្តម៉ាស៊ូតនៅអឺរ៉ុប។
ការបញ្ឈប់នេះក៏ដោយសារប្រជាប្រិយភាពរថយន្តម៉ាស៊ូតមានការធ្លាក់ចុះ រួមជាមួយការរឹតបន្តឹងច្បាប់លើការសាយភាយឧស្ម័នពុលនៅអឺរ៉ុប។ បច្ចុប្បន្ននេះ Mazda គឺជាក្រុមហ៊ុនរថយន្តជប៉ុនតែមួយគត់ដែលនៅបន្តលក់រថយន្តម៉ាស៊ូតនៅអឺរ៉ុប។
យ៉ាងណាក្ដីសម្រាប់ Suzuki នៅតែបន្តផលិតរថយន្តម៉ាស៊ូតសម្រាប់លក់លើទីផ្សារដទៃទៀត ដូចជានៅប្រទេសឥណ្ឌាជាដើម។ រថយន្តម៉ាស៊ូតមានចំណែកទីផ្សារ ៣០% ក្នុងចំណោមរថយន្តដែល Suzuki លក់បាននៅឥណ្ឌាកាលពីឆ្នាំមុន។ ចំណែកនៅអឺរ៉ុបវិញរថយន្តម៉ាស៊ូតរបស់ Suzuki កាន់កាប់ចំណែក ១០% ប៉ុណ្ណោះក្នុងចំណោមរថយន្ត Suzuki លក់បានសរុប។
ចំពោះ Mitsubishi វិញនៅតែបន្តផលិតរថយន្តម៉ាស៊ូតលក់លើទីផ្សារដទៃ ជាពិសេសប្រភេទរថយន្តភីកអាប់។ គួរដឹងថាក្នុងចំណោមរថយន្តដែល Mitsubishi លក់បានសរុបកាលពីឆ្នាំមុន មាន ៣០% ជារថយន្តម៉ាស៊ីនម៉ាស៊ូត៕
ចុចអាន៖
