- 2018-07-19 12:40:13
- ព័ត៌មាន
ភ័យឲ្យហើយទៅ! Huawei បន្តភាពជោគជ័យ ឆ្ពោះទៅរកក្តីស្រមៃទាញទម្លាក់ Apple ឆាប់ៗនេះ
- 2018-07-19 12:40:13
- ចំនួនមតិ 0 | ចំនួនចែករំលែក 0
ភ័យឲ្យហើយទៅ! Huawei បន្តភាពជោគជ័យ ឆ្ពោះទៅរកក្តីស្រមៃទាញទម្លាក់ Apple ឆាប់ៗនេះ
ចន្លោះមិនឃើញ
កាលពីខែមិថុនាកន្លងទៅក្រុមហ៊ុនយក្សប្រទេសចិន Huawei ធ្លាប់កំណត់ពីគោលដៅរបស់ខ្លួនក្នុងការលក់ចេញស្មាតហ្វូនឲ្យបាន ២០០ លានគ្រឿងនាឆ្នាំ ២០១៨ ច្រើនជាង ៤៧ លានគ្រឿងធៀបនឹងឆ្នាំចាស់ ប៉ុន្តែគិតត្រឹមពាក់កណ្តាលខែកក្កដានេះ ខ្លួនអាចសម្រេចបាន ៥០ ភាគរយរួចទៅហើយ។
អំឡុងព្រឹត្តិការណ៍ដាក់បង្ហាញ Nova 3 នាយកប្រតិបត្តិនៃក្រុមហ៊ុន Huawei បានបង្ហើបពីភាពជោគជ័យនៃការលក់ចេញស្មាតហ្វូន ១០០ លានគ្រឿង ក្នុងរយៈពេល ៧ ខែ ពោលគឺត្រូវការពេលត្រឹម ២ ខែទៀតប៉ុណ្ណោះ ដើម្បីតាមទាន់តួលេខលក់ចេញសរុបកាលពីឆ្នាំទៅ។ យ៉ាងណាមិញបរាជ័យតួលេខលក់ចេញត្រកូលធុនខ្ពស់ P20 និង P20 Pro ទទួលបានត្រឹម ៦ លានគ្រឿងកាលពីខែមុន ខណៈ P20 Lite មានឈ្មោះបោះសំឡេងជាប់ជាស្មាតហ្វូនលក់ដាច់បំផុតលំដាប់ទី ៧ ទូទាំងសកលលោកនាខែឧសភា ឆ្នាំ ២០១៨។
ក្រៅពីនេះត្រកូល Honor ក៏ជោគជ័យយ៉ាងក្រាស់ក្រែលលើទីផ្សារអន្តរជាតិ ដោយកើនឡើង ១៥០ ភាគរយធៀបនឹងឆ្នាំចាស់ ដោយ Honor 10 លក់បានដល់ទៅ ៣ លានគ្រឿងគិតត្រឹមការបង្ហាញខ្លួនកាលពីខែឧសភា។ បើភាពរឹងមាំនេះនៅតែឆ្ពោះបន្តទៅមុខ នោះមានន័យថាក្តីស្រមៃចង់ទាញទម្លាក់ក្រុមហ៊ុនលេខ ២ Apple អាចនឹងធ្វើបានត្រឹមត្រីមាសទី ១ ឆ្នាំ ២០១៩ ប៉ុន្តែធៀបនឹងក្រុមហ៊ុនកំពូលតារាង SAMSUNG រំពឹងប្រើពេលវេលាយូរអង្វែងទៀត៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
