Razer បញ្ចេញកុំព្យូទ័រយួរដៃ Razer Blade ថ្មីទំនើបខ្លាំងជាងមុន

2018-05-23 08:41:18
ផលិតផលថ្មី

2018-05-23 08:41:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនជំនាញខាងផលិតកុំព្យូទ័រសម្រាប់លេងហ្គេម Razer ទើបតែបានបញ្ចេញកុំព្យូទ័រយួរដៃស៊េរីថ្មីរបស់ខ្លួន ស្ថិតនៅក្នុងត្រកូល Razer Blade។

Razer Blade ស៊េរីថ្មីនេះមានរូបរាងប៉ុននឹង Razer Blade ដែលចេញកាលពីឆ្នាំមុន ប៉ុន្តែទំហំអេក្រង់របស់វាកើនឡើងពី១៤ អ៊ីញចំពោះស៊េរីចាស់ មក ១៥,៦ អ៊ីញសម្រាប់ស៊េរីថ្មី។ Razer បានកាត់បន្ថយគែមអេក្រង់ ផ្ដល់កន្លែងសម្រាប់ពង្រីកអេក្រង់នៅលើតួប៉ុនទំហំចាស់។ តាមការអះអាងរបស់ Razer បាននិយាយថា Razer Blade ជំនាន់ថ្មីរបស់ខ្លួន ជាកុំព្យូទ័រយួរដៃសម្រាប់លេងហ្គេម ដែលមានទំហំតូចជាងគេលើលោកទៀតផង។

កុំព្យូទ័រយួរដៃនេះមានអេក្រង់ ២ ជម្រើសគឺ 4K Resolution កម្រិត ៦០ Hz និង Full HD Resolution 1920x1080 ក្នុងកម្រិត ១៤៤ Hz ជាមួយនឹងតួខ្លួនធ្វើពីអាលុយមីញ៉ូមសុទ្ធ។ Trackpad នៅលើកុំព្យូទ័រយួរដៃនេះក៏ត្រូវពង្រីកឲ្យធំជាងមុនដែរ ធ្វើឲ្យការបញ្ជា Cursor មានភាពងាយស្រួលជាងមុន។

CPU ដែលមកជាមួយកុំព្យូទ័រយួរដៃនេះជាជំនាន់ទី ៨ នៃ Intel ស៊េរី Core i7-8750H ជាមួយនឹងជម្រើស GPU ពីរគឺ Nvidia GTX 1060 ឬក៏ Nvidia GTX 1070 លើសស៊េរីមុន ដែលមានត្រឹម Nvidia GTX 1060 ប្រើប្រាស់។ បើនិយាយពីក្ដារចុចរបស់ Razer វិញ មនុស្សភាគច្រើនប្រាកដជាដឹងពីគ្រាប់ចុចគ្រប់ពណ៌របស់វានេះ ដែលមួយគ្រាប់ចុចមានអំពូលមួយដាច់ដោយឡែក ដែលអាចបញ្ចេញពណ៌បានដល់ទៅ ១៦,៨ លានពណ៌ឯណោះ។