សាលាបច្ចេកវិទ្យារដ្ឋធំមួយ បើកបវេសនកាលថ្មី គ្រាន់តែសិស្សអាហារូបករណ៍រៀនជិត ៤០ នាក់

2017-12-18 07:56:14
ព័ត៌មាន

2017-12-18 07:56:14
ចំនួនមតិ 0 | ចំនួនចែករំលែក 0

ចន្លោះមិនឃើញ

វិទ្យាស្ថានជាតិប្រៃសណីយ៍ ទូរគមនាគមន៍ បច្ចេកវិទ្យាគមនាគមន៍ និងព័ត៌មាន ហៅកាត់ នីបតិច (NIPTICT) បានបើកបវេសនកាលឆ្នាំសិក្សាថ្មី ឆ្នាំ ២០១៧-២០១៨ កាលពីថ្ងៃ ១៤ ធ្នូ កន្លងទៅ ដោយមានសិស្សសរុបចូលរៀន ១៥០ នាក់ ក្នុងនោះសិស្សអាហារូបរកណ៍មានចំនួន ៤០ នាក់។

អាហារូបករណ៍នេះផ្តល់ដោយក្រុមហ៊ុន Smart Axiata ក្រុមហ៊ុន Viettel ក្រុមហ៊ុន Edotco និងក្រុមហ៊ុន Huawei។

លោកបណ្ឌិត សេង សុភាព ប្រធានវិទ្យាស្ថានជាតិ NIPTICT មានប្រសាសន៍ថា វិភាគទាននេះបានបង្ហាញពីការយកចិត្តទុកដាក់ខ្ពស់របស់វិស័យឯកជន លើការបណ្ដុះបណ្ដាលធនធានមនុស្ស ជាពិសេសភាពជាដៃគូររវាងវិស័យឯកជន ជាមួយគ្រឹះស្ថានអប់រំបណ្ដុះបណ្ដាល ជាកត្តាមិនអាចខ្វះបានក្នុងការអភិវឌ្ឍធនធានមនុស្សប្រកប ដោយគុណភាព និងមាននិរន្តភាព។ លោកបានបន្តថា វិទ្យាស្ថានជាតិបានធ្វើទំនើបកម្មក្នុងការបង្រៀន ដោយប្រើបច្ចេកវិទ្យា ដូចជាការប្រើប្រាស់ប្រព័ន្ធ e-Learning ជាឧបករណ៍ជំនួយក្នុងការបណ្តុះបណ្តាល អាចអនុញ្ញាតឱ្យនិស្សិតសិក្សាប្រកបដោយប្រសិទ្ធិភាពខ្ពស់ជាងមុន។

លោកថា វិទ្យាស្ថានជាតិបានដាក់បញ្ចូលនូវសកម្មភាពដទៃទៀតទៅក្នុងកម្មវិធីសិក្សាដូចជា ការស្រាវជ្រាវ នវានុវត្តន៍ និងសហគ្រិនភាពនៅកម្ពុជា ដើម្បីលើកកម្ពស់គុណភាពអប់រំឲ្យកាន់តែប្រសើរឡើងថែមទៀត ។ គុណភាពអប់រំតែម្យ៉ាងក៏មិនអាចធ្វើឱ្យការបណ្តុះបណ្តាលទទួលបានជោគជយ័ដែរ។

លោកបន្ថែមថា ការស្វែងយល់ពីតម្រូវការទីផ្សារការងារ ទើបធ្វើឲ្យវិទ្យាស្ថានអាចផលិតធនធានមនុស្សប្រកបដោយគុណភាពផង និងឆ្លើយតបនិងតម្រូវការរបស់ទីផ្សារការងារ។ ដូច្នេះហើយ វិទ្យាស្ថានជាតិ NIPTICT បានធ្វើការសហការជាមួយដៃគូទាំងក្នុងវិស័យអប់រំ និងវិស័យឯកជន ដើម្បីស្វែងយល់ពីតម្រូវការទីផ្សាការងារ ដែលអាចកែលម្អកម្មវិធីសិក្សារស្របតាមតថភាពសង្គមជាក់ស្តែង។ ម្យ៉ាងទៀត និស្សិតជំនាន់ថ្មីដែលបញ្ចប់កាលសិក្សានៅវិទ្យាស្ថានជាតិ មានលទ្ធភាពឈោងចាប់យកឱកាសដើម្បីក្លាយខ្លួនជាសហគ្រិនបច្ចេកវិទ្យាវិទ្យាវិទ្យា នាយុគសម័យឌីជីថល »។

NIPTICT គឺជាគ្រឹះស្ថានអប់រំឧត្ដមសិក្សាមួយដែលត្រូវបានបង្កើតឡើងកាលពីឆ្នាំ ២០០៤ ដោយក្រសួងប្រៃសណីយ៍ និងទូរគមនាគមន៍។ ការសិក្សាជំនាញផ្តោតលើផ្នែកបច្ចេកវិទ្យាមាន ប្រព័ន្ធអេឡិចត្រូនិក, វិទ្យាសាស្ត្រកុំព្យូទ័រ និងភស្តុភារ ទូរគមនាគមន៍។

វិទ្យាស្ថានជាតិ មានបេសកកម្មចំបងចំនួន ៣ ទីមួយផ្តល់ការអប់រំ និងកម្មវិធីបណ្តុះបណ្តាលសម្រាប់សិស្ស និងមន្ត្រីរាជការក្នុងវិស័យពាណិជ្ជកម្មតាមប្រព័ន្ធអេឡិចត្រូនិច និងភស្តុភា ទូរគមនាគមន៍ និងបណ្តាញ និងវិទ្យាសាស្ត្រ កុំព្យូទ័រ។ ទីពីរគឺលើកកម្ពស់ការស្រាវជ្រាវ និងនវានុវត្តន៍ក្នុងវិស័យទូរគមនាគមន៍ និងបច្ចេកវិទ្យាគមនាគមន៍ និងព័ត៌មាន។

បេសកកម្មទី៣ គឺលើកកម្ពស់សហគ្រិនភាពវ័វ័យក្មេងក្នុងវិស័យទូរគមនាគមន៍ និងបច្ចេកវិទ្យាគមនាគមន៍ និងព័ត៌មាន។ ចាប់តាំងពីឆ្នាំ២០១៤ រហូតមកដល់បច្ចុប្បន្ន NIPTICT បានផ្តល់កម្មវិធីបណ្តុះបណ្តាលលើមុខវិជ្ជាមូលដ្ឋានកុំព្យូទ័រជូនមន្ត្រីរាជការប្រមាណជា៣០០០នាក់ និងកម្មវិធីបរិញ្ញាបត្រជូននិស្សិតចំនួនជាង៥០០នាក់។