មូលហេតុពីរ ទើបទូរសព្ទ Android ថតមិនឈ្នះ iOS លើកម្មវិធី Snapchat

2017-12-01 01:48:23
ព័ត៌មាន

2017-12-01 01:48:23
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រើប្រាស់ស្មាតហ្វូន Android ភាគច្រើន ដែលធ្លាប់ប្រើប្រាស់កម្មវិធី Snapchat ប្រាកដជាធ្លាប់កត់សម្គាល់ឃើញថាគុណភាពរូបដែលផ្ដិតលើស្មាតហ្វូន Android ចាញ់ដាច់ធៀបនឹងរូបផ្ដិតលើពពួកឧបករណ៍ iOS។

មាន ២ ចំណុច ដើម្បីបកស្រាយចម្ងល់នេះ

+ឧបករណ៍ Android និង iOS:

គិតតាំងពីឆ្នាំ ២០០៨ មកទល់ពេលបច្ចុប្បន្នឧបករណ៍ iOS មានត្រឹម ១៧ ម៉ូដែលខុសៗគ្នាតែប៉ុណ្ណោះ ផ្ទុយទៅវិញបើក្រឡេកទៅមើលពពួក Android មានរាប់រយម៉ូដែលចេញលក់នៅលើទីផ្សារ ហើយសុទ្ធសឹងតែភាគច្រើនប្រើនូវប្រព័ន្ធប្រតិបត្តិផ្សេងពីគ្នាទាំងស្រុង។

កត្តាធ្វើឲ្យ Developer ចាប់អារម្មណ៍លើ iOS ខ្លាំងជាង Android ព្រោះពួកគេមិនត្រូវការចំណាយពេលច្រើន ដើម្បីសម្រួលដំណើរការកម្មវិធីឲ្យគាំទ្រលើម៉ូដែល iPhone ណាមួយឡើយ ខុសពី ពពួកស្មាតហ្វូន Android ត្រូវបង្ខំចិត្តវិស្វករកម្មវិធី ឲ្យបោះបង់ចោលនូវលក្ខខណ្ឌមួយចំនួនធំ។

+ហេតុអ្វីគុណភាពរូបលើ Android អន់ជាង iOS?

មិនទាក់ទងនឹងគុណភាពកាមេរ៉ាឬសមត្ថភាពកម្រិតបង្ហាញនៃអេក្រង់អ្វីឡើយ ជាទូទៅ iOS ប្រើផ្នែកគ្រឿងកាមេរ៉ាសុទ្ធសាធដើម្បីផ្ដិតរូបលើ Snapchat នូវកម្រិត Full-Resolution ដោយឡែក Android វិញ ប្រើត្រឹម Screen Capture តាមរយៈមធ្យោបាយនៃ Viewfinder-Screenshot ប៉ុណ្ណោះ។

ការធ្វើបែបនោះព្រោះដើម្បីផ្ដល់ភាពងាយស្រួលដល់ Developer មិនចាំបាច់បង្កើតទម្រង់កម្មវិធីឲ្យគាំទ្រម៉ូដែលណាមួយឡើយ ផ្ទុយទៅវិញគាំទ្របានទាំងអស់ ព្រោះឆ្លងកាត់មុខងារ Screen Capture ដែលជាស្វ័យប្រវត្តិ វាអាចដឹងពីទំហំនៃឧបករណ៍ណាមួយរួចស្រេចមកហើយ។

យ៉ាងណាមិញម៉ូដែលស្មាតហ្វូនស៊េរីក្រោយមួយចំនួន មានដូច Google Pixel 2 ចំពោះ Snapchat អនុញ្ញាតឲ្យប្រើផ្នែកគ្រឿងកាមេរ៉ាដើម ក្នុងការផ្ដិតយករូបភាពនិងវីដេអូ ម្ល៉ោះគុណភាពបង្ហាញចេញមកពេលខ្លះសឹងតែល្អជាង iOS ទៅវិញ។