Isuzu ទើបសម្ពោធ Showroom និងកន្លែងជួសជុលរថយន្តស្តង់ដារអន្តរជាតិ

2017-11-30 09:05:35
ព័ត៌មាន

2017-11-30 09:05:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ខេ (ខេមបូឌា) ដែលជាក្រុមហ៊ុនទទួលសិទ្ធចែកចាយផ្ដាច់មុខឡាន ISUZU នៅកម្ពុជា បានធ្វើពិធីសម្ពោធអគារតាំង និងមជ្ឈមណ្ឌលសេវាកម្មជួសជុលរថយន្តដឹកទំនិញ ISUZU Truck ប្រភេទស្រាល និងធ្ងន់ កម្រិតស្តង់ដារអន្តរជាតិដំបូងគេបង្អស់នៅកម្ពុជា កាលពីព្រឹកមិញនេះ ដោយមានវត្តមានឯកឧត្ដម តូច ចាន់កុសល រដ្ឋមន្ត្រីស្ដីទីក្រសួងសាធារណការ និងដឹកជញ្ជូន។

លោកបណ្ឌិត ខាន់ឆៃ កៀស្រ៊ីថាណាកន ប្រធានក្រុមហ៊ុន ខេ (ខេមបូឌា) បានថ្លែងថា៖ "ការសម្ពោធនេះ បានឆ្លុះបញ្ចាំងឲ្យឃើញពីការតាំងចិត្តរយៈពេលវែងរបស់យើងក្នុងទីផ្សារកម្ពុជា ជាមួយអតិថិជនយើង តាមរយៈការផ្ដល់រថយន្តគុណភាពខ្ពស់ និងសេវាកម្មកាន់តែល្អ"។

លោកបណ្ឌិត ខាន់ឆៃ កៀស្រ៊ីថាណាកន

ISUZU មានវត្តមានជាផ្លូវការនៅកម្ពុជាអស់រយៈពេល ៨ឆ្នាំមកហើយ ដោយផ្ដោតលើរថយន្ត ISUZU D-MAX Pick-Up រហូតដល់ ២០១១ ទើបនាំរថយន្តប្រភេទដឹកទំនិញចូល។

លោក ជូន ម៉ុតុគី អគ្គនាយកក្រុមប្រឹក្សាភិបាល និងជាអគ្គនាយកផ្នែកសេវាកម្មក្រោយការលក់របស់ ISUZU បានបន្ថែមថា៖ "ទោះបីទីផ្សាររថយន្តដឹកទំនិញបានគ្របដណ្ដប់ដោយឡានជជុះ តែយើងក៏មើលឃើញពីតម្រូវការឡានថ្មី និងសេវាកម្មក្រោយពេលលក់ក្នុងទីផ្សារកំពុងកើនឡើងផងដែរ"។

លោក ជូន ម៉ុតុគី

ISUZU ក៏មានប្រូម៉ូសិនពិសេសសម្រាប់អ្នកទិញ ឬកក់ចាប់ពីថ្ងៃទី១ ធ្នូ ២០១៧ ដល់ ៣១ មករា ២០១៨ នឹងទទួលបានការប្ដូរប្រេងម៉ាស៊ីនឥតគិតថ្លៃសម្រាប់ចម្ងាយ ១០ ០០០គីឡូម៉ែត្រ ការបង្ហាត់បង្រៀនមូលដ្ឋានគ្រឹះរថយន្ត ព្រមទាំងអាចយករថយន្តដឹកទំនិញគ្រប់ម៉ូដែលមកពិនិត្យឥតគិតថ្លៃ និងមិនគិតថ្លៃកម្លាំងពលកម្មប្ដូរប្រេងម៉ាស៊ីន៕