- 2017-11-23 14:05:35
- ព័ត៌មាន
អាជ្ញាធរចុះឆែកឆេរ ការិយាល័យ Apple នៅកូរ៉េខាងត្បូង
- 2017-11-23 14:05:35
- ចំនួនមតិ 0 | ចំនួនចែករំលែក 0
អាជ្ញាធរចុះឆែកឆេរ ការិយាល័យ Apple នៅកូរ៉េខាងត្បូង
ចន្លោះមិនឃើញ
អាជ្ញាធរកូរ៉េខាងត្បូងបានចុះឆែកឆេរ ការិយាល័យមួយចំនួនរបស់ក្រុមហ៊ុន Apple នៅទីក្រុងសេអ៊ូល។ សកម្មភាពនេះធ្វើឡើងមួយថ្ងៃប៉ុណ្ណោះ មុនពេល Apple នឹងដាក់លក់ជាផ្លូវការទូរសព្ទ iPhone X នៅ ប្រទេសអាស៊ីខាងកើតមួយនេះ។
បើតាមសារព័ត៌មាន Metro មូលហេតុនៃការឆែកឆេរនេះ គឺពាក់ព័ន្ធនឹងការស៊ើបអង្កេតមួយដែលត្រូវបានធ្វើឡើងប៉ុន្មានខែប៉ុណ្ណោះ ក្រោយពេលក្រុមហ៊ុន Apple បានកកាយរឿងកុងត្រាមិនយុត្តិធម៌មួយចំនួនជាមួយនឹងក្រុមហ៊ុនកូរ៉េខាងត្បូងទាក់ទងនឹងការជួសជុលទូរសព្ទ iPhone និងសម្ភារៈផ្សេងទៀតរបស់ក្រុមហ៊ុនមួយនេះ។ បើយោងតាមប្រភពដដែល បានឲ្យដឹងថា កាលពីដើមសប្ដាហ៍នេះ ប៉ូលិសស៊ើបអង្កេតកូរ៉េខាងត្បូងបានទៅដល់ទីស្នាក់ការកណ្ដាលរបស់ក្រុមហ៊ុន Apple ក្នុងប្រទេសមួយនេះ ដើម្បីសួរសំណួរទាក់ទងនឹង ដំណើរការមុខជំនួញរបស់ក្រុមហ៊ុន នៅមុនពេលការដាក់លក់ជាផ្លូវការនូវទូរសព្ទ iPhone X នៅថ្ងៃទី ២៤ វិច្ឆិកាស្អែកនេះ។
ផលិតផល Apple មានប្រជាប្រិយភាពយ៉ាងខ្លាំងនៅកូរ៉េខាងត្បូង បើទោះជាប្រទេសនេះជាលំនៅឋាននៃក្រុមហ៊ុនដៃគូប្រជែងធំៗ ដូចជា Sumsung និង LG យ៉ាងណាក៏ដោយ។ នៅទីនោះ ទូរសព្ទ iPhone X បានលក់ដាច់អស់ហើយ ក្រោយពេលបើកឲ្យកុម្ម៉ង់មុន កាលពីពេលថ្មីៗនេះ ហើយត្រូវបានរំពឹងទុកថានឹងលក់ដាច់ច្រើនទៀតនៅពេល Apple ដាក់លក់ជាផ្លូវការនូវទូរសព្ទម៉ូដែលនេះនៅថ្ងៃស្អែក៕