ប្រើ Vivo ពេលខូចចង់យកទៅធ្វើ ដឹងលក្ខខណ្ឌជួសជុលយ៉ាងម៉េចអត់?

2017-09-08 07:23:49
ព័ត៌មាន

2017-09-08 07:23:49
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកកំពុងប្រើស្មាតហ្វូន Vivo ដែលជួបបញ្ហាខូចខាតហើយចង់យកទៅជួសជុលពីក្រុមហ៊ុននាំចូលផ្លូវការ ត្រូវដឹងលក្ខខណ្ឌជាមុនសិន។

លោក ភេ ពិសិដ្ឋ អ្នកតំណាងចែកចាយ Vivo ប្រចាំនៅកម្ពុជា បានឲ្យដឹងថា ចំពោះលក្ខខណ្ឌជួសជុលមិនគិតថ្លៃ ក្នុងករណីអ្នកប្រើជួបបញ្ហាតិចតួច ដែលមិនមែនជាកំហុសបច្ចេកពីខាងក្រុមហ៊ុន។ ប្រសិនបើមានកំហុសបច្ចេកទេសពីខាងក្រុមហ៊ុនរយៈពេលធានា គឺប្តូរថ្មីជូនតែម្ដង។

លោកក៏បង្ហើបចំណុចមួយចំនួនអ្នកប្រើប្រាស់ទូរសព្ទ Vivo ត្រូវដឹងនៅពេលយកទូរសព្ទទៅជួសជុល ហើយក្រុមហ៊ុនអាចគិតថ្លៃសេវាមានដូចជា៖

ខូចបណ្ដាលមកពីអ្នកទិញប្រើប្រាស់ ថែរក្សា និងទុកដាក់មិនបានល្អ
ខូចដែលបណ្ដាលមកពីការរុះរើដោះ នៅកន្លែងផ្សេងក្រៅពីក្រុមហ៊ុន
មិនមានប័ណ្ណធានា និងវិក្ក័យប័ត្រដែលមានសុពលភាព
ម៉ូឌែលក្នុងប័ណ្ឌធានា និងម៉ូឌែលផលិតផលដែលមិនត្រូវគ្នា ឬកោសលុប
ផុតកាលកំណត់ធានាជួសជុល។

កាលពីព្រឹកមិញផងដែរ Vivo ក៏បានបើកសម្ពោធមជ្ឍមណ្ឌលសេវាកម្មជួសជុល សាខាទី ៤ ដែលមានទីតាំងនៅជ្រោយចង្វារត្រើយខាងកើត។ ចំណែកទីតាំង ៣ កន្លែងទៀតមាននៅតាមបណ្ដោយផ្លូវព្រះមុនីវង្ស ផ្លូវជាតិលេខ ៦(ខេត្តកំពង់ចាម) និងមួយទៀតនៅខេត្តសៀមរាប។ ទៅថ្ងៃអនាគត Vivo និងបន្ថែមមជ្ឍមណ្ឌលនៅខេត្តព្រះសីហនុ និងខេត្តបាត់ដំបងបន្ថែមទៀត៕

អត្ថបទ៖ រក្សា