- 2017-07-07 02:47:08
- ព័ត៌មាន
Galaxy Note 7 មកដល់វៀតណាមបាត់ លក់ថ្លៃជាងនៅកូរ៉េខាងត្បូង
- 2017-07-07 02:47:08
- ចំនួនមតិ 0 | ចំនួនចែករំលែក 0
Galaxy Note 7 មកដល់វៀតណាមបាត់ លក់ថ្លៃជាងនៅកូរ៉េខាងត្បូង
ចន្លោះមិនឃើញ
Galaxy Note 7 ដែលដាក់លក់ជាថ្មីម្ដងទៀតក្រោមឈ្មោះ Galaxy Note FE នឹងដាក់លក់ជាផ្លូវការនៅប្រទេសកូរ៉េខាងត្បូងនាថ្ងៃសុក្រសប្ដាហ៍នេះ។ ប៉ុន្តែមានឈ្មួញលក់ទូរសព្ទខ្លះមានឱកាសបានកាន់ Galaxy Note FE នេះមុនគេ ហើយមានម្នាក់បាននាំយកវាមកប្រទេសវៀតណាមនៅថ្ងៃទី ៦ កក្កដា ម្សិលមិញ។
បើយោងតាម HT ក្រុមហ៊ុនលក់ស្មាតហ្វូនកូរ៉េយូរឆ្នាំមកហើយ បានឲ្យដឹងថា Galaxy Note FE គឺបានមកដល់ទីក្រុងហាណូយហើយ ដោយកំពុងបញ្ជូនទៅកាន់ហាងលក់ និង មានលក់ក្នុងតម្លៃប្រហែល ៦៦០ ដុល្លារ។ បញ្ជាក់ថានៅប្រទេសកូរ៉េខាងត្បូងមានលក់ Note FE នេះក្នុងតម្លៃប្រមាណ ៦១០ ដុល្លារ។
បើតាមរូបភាពដែលថតនៅព្រលានយន្តហោះ Noi Bai បង្ហាញឲ្យឃើញថា Galaxy Note FE ថ្មីនេះមានប្រើប្រអប់ខុសពីមុនដោយមានរូបបេះដូងពណ៌ខៀវ ជាមួយនឹងពាក្យថា "Fan Edition”។ ចំពោះលក្ខណៈសម្បត្តិវិញគឺខុសគ្នាពី Note 7 ដែលចេញលក់កាលពីឆ្នាំមុនត្រង់ទំហំថ្ម ដោយពេលនេះថ្មមានទំហំត្រឹម ៣២០០ mAh តូចជាងពីមុនទំហំ ៣៥០០ mAh៕
ចុចអាន៖
