ជើងខ្លាំងថតរូប ១០ នាក់ឆ្លងផុតវគ្គពាក់កណ្ដាលផ្ដាច់ព្រ័ត្រឆ្ពោះទៅទីក្រុងឌូបៃ

2017-06-21 06:20:38
ព័ត៌មាន

2017-06-21 06:20:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនស្មាតហ្វូនលំដាប់ពិភពលោក និងជាម្ចាស់តំណែងលេខមួយលើប្រាក់ចំណេញ Android ស្មាតហ្វូន Huawei បានរកឃើញជើងខ្លាំងចំនួន ១០រូបដែលឆ្លងផុតវគ្គពាក់កណ្ដាលផ្ដាច់ព្រ័ត្រនៃកម្មវិធីប្រកួតថតរូបហ៊ួរវ័យវគ្គIII ដើម្បីទៅដណ្ដើមយកជ័យជំនះឈ្នះដំណើរកម្សាន្តទៅឌូបៃ និងស្មាតហ្វូន Huawei P10 & P10 Plus នៅវគ្គប្រកួតផ្ដាច់ព្រ័ត្រ។

បេក្ខជន

ក្រោមប្រធានបទភ្លាមៗ “ជីវិតរីករាយ (Greenery of Life)” តម្រូវឲ្យបេក្ខជនបញ្ចេញនូវសមត្ថភាពពិត ស្នាដៃពិត ប្រកបដោយភាពឈ្លាសវៃ ច្នៃប្រឌិត និងប៉ិនប្រសប់ ផ្ដិតយករូបដោយប្រើប្រាស់ស្មាតហ្វូន Huawei P10 P10 Plus, P9, P9 Plus, និង Mate9 ឲ្យបានច្បាស់ស្រស់ស្អាតពោរពេញដោយប្រណិតភាព និងសិល្បៈស៊ីវិល័យ។ សម្រាប់វគ្គពាក់កណ្ដាលផ្ដាច់ព្រ័ត្រនេះ ក្រុមការងារ Huawei នឹងធ្វើការជ្រើសរើសបេក្ខជនចំនួន ១០ នាក់ប៉ុណ្ណោះ សម្រាប់បន្តទៅវគ្គផ្ដាច់ព្រ័ត្រ។ លោក អែម យុទ្ធូ នាយកជាន់ខ្ពស់ផ្នែកទីផ្សារ Huawei ប្រចាំប្រទេសកម្ពុជាបានបញ្ជាក់ថា៖ “កម្មវិធីថតរូប HuaweiProContestIII មានរយៈពេល ១១ សប្ដាហ៍ធ្វើឡើងជាពិសេសសម្រាប់អតិថិជននិងអ្នកគាំទ្រ ដែលតែងតែជឿជាក់ទៅលើស្មាតហ្វូនរបស់ Huawei គ្រប់ម៉ូដែល។

ក្រុមហ៊ុនតែងតែបង្កើតកម្មវិធីប្លែកៗដើម្បីផ្ដល់ការសប្បាយនិងរង្វាន់ពិតៗជូនដល់អ្នកប្រើប្រាស់ជានិច្ច”។ ការប្រកួតវគ្គផ្ដាច់ព្រ័ត្រនឹងប្រព្រឹត្តទៅនៅខេត្តដែលបានកំណត់នាថ្ងៃ ២៤ ឬ ២៥ ខែ មិថុនា ឆ្នាំ ២០១៧ ។ បេក្ខជនទាំង១០រូប ដែលមានសិទ្ធិចូលរួមប្រកួតវគ្គផ្ដាច់ព្រ័ត្រដើម្បីទទួលបានរង្វាន់ពិសេសៗជាច្រើន ជាពិសេសដំណើរកម្សាន្តទៅកាន់ក្រុងនៃក្ដីសុបិន្តនៅទីក្រុងឌូបៃ ៥យប់-៦ថ្ងៃ រួមមាន៖

ជយលាភីលេខ១៖ LOK CHANMAKARA ឈ្នះ HUAWEI Travel Pack ១រង្វាន់

ជយលាភីលេខ២៖ LUN RAMIO ឈ្នះ HUAWEI Big Tripod ១រង្វាន់

ជយលាភីលេខ៣៖ HONG SV KIM ឈ្នះ HUAWEI Big Tripod ១រង្វាន់

ជយលាភីលេខ៤៖ BRIAN LIM ឈ្នះ Wide Angel Lens ១រង្វាន់

ជយលាភីលេខ៥៖ KON NEAKSRE ឈ្នះ Wide Angel Lens ១រង្វាន់

ជយលាភីលេខ៦៖ KOL KIRIVATH ឈ្នះ HUAWEI POWER BANK 13000 mAh ១រង្វាន់

ជយលាភីលេខ៧៖ PLOY KBAL THOM ឈ្នះ HUAWEI POWER BANK 13000 mAh ១រង្វាន់

ជយលាភីលេខ៨៖ KAO KOSAL ឈ្នះ HUAWEI 4G Mobile Wifi ១រង្វាន់

ជយលាភីលេខ៩៖ SENG GECHKHEANG ឈ្នះ HUAWEI Original Bluetooth Speaker ១រង្វាន់

ជយលាភីលេខ១០៖ SIEN LIDA ឈ្នះ HUAWEI Original Bluetooth Speaker ១រង្វាន់។

សម្រាប់វគ្គផ្ដាច់ព្រ័ត្រ បេក្ខជនអាចមានឱកាសឈ្នះរង្វាន់ធំដំណើរកំសាន្តទៅឌូបៃ (លេខមួយ), Huawei P10 (លេខពីរ), Huawei GR5 2017 (លេខបី) និងលិខិតសសើរមួយម្នាក់សន្លឹកសម្រាប់វគ្គផ្ដាច់ព្រ័ត្រ។

លោក Ploy Kbal Thom ដែលបេក្ខជនជើងខ្លាំងក្នុងចំណោម ១០រូបដែលបានឆ្លងកាត់វគ្គពាក់កណ្តាល ផ្ដាច់ព្រ័ត្របានបង្ហាញចំណាប់អារម្មណ៍ថាលោកពិតជាសប្បាយរីករាយណាស់ដែលអាចឆ្លងផុត វគ្គពាក់កណ្ដាលផ្ដាច់ព្រ័ត្រនៃកម្មវិធីប្រកួតថតរូបវគ្គIII។

កត្តាដែលអាចធ្វើឲ្យលោកឆ្លងផុតវគ្គនេះគឺដោយសារទីមួយ បានយល់ពីប្រធានបទច្បាស់លាស់ ឯទីពីរ ត្រូវបង្កើតគំនិតច្នៃប្រឌិតនៃការថតរូប ដោយប្រើប្រាស់ស្មាតហ្វូន Huawei។ ទីបី ប្រើប្រាស់ភាពប៉ិនប្រសប់របស់ខ្លួនដោយត្រូវគិតថា រូបថតស្អាត មិនត្រឹមតែថតបានច្បាស់តែមួយមុខទេ ប៉ុន្តែរូបមួយសន្លឹក ត្រូវតែមានអត្ថន័យគ្រប់គ្រាន់ឆ្លើយតបទៅនឹងប្រធានបទនិងគោរពតាមលក្ខខណ្ឌនៃកម្មវិធីប្រកួតឲ្យបានគ្រប់ជ្រុងជ្រោយ។

“ខ្ញុំគិតថាកម្មវិធីប្រកួតថតរូបរបស់ក្រុមហ៊ុនHuaweiគឺមានតម្លាភាពហើយផ្តល់ឱកាស ឲ្យអ្នកមានទេពកោសល្យអាចបញ្ចេញស្មាដៃពិតរបស់ខ្លួន។ លោក Ploy Kbal Thom សង្ឃឹមថាសម្រាប់វគ្គផ្ដាច់ព្រ័ត្រ លោកនឹងបញ្ចេញ សមត្ថភាពឲ្យអស់ ដើម្បីដណ្តើមយកចំណាត់ថ្នាក់ជាម្ចាស់ជយលាភីឲ្យបាន”។

បញ្ជាក់ផងដែរថាថ្មីៗនេះ ក្រុមហ៊ុន Huawei បានទទួលចំណាត់ថ្នាក់លេខរៀងទី ៨៨ លើពិភពលោកជាម៉ាក (Brand) ដែលមានតម្លៃបំផុតចេញផ្សាយដោយទស្សនាវដ្តី Forbes ប្រចាំឆ្នាំ២០១៧ ហើយ Huawei P10 & P10 Plus បានឈ្នះពាន់រង្វាន់ TIPA Award 2017 ជាស្មាតហ្វូនថតរូបស្អាតបំផុតផងដែរ។

កម្មវិធីប្រកួតថតរូប HuaweiProContestIII នេះក្រុមហ៊ុន Huawei បានសហការជាមួយក្រុមហ៊ុនដូចជា Sabay, Khmer Note, Electronic World, AEON Major Cineplex Cinema Powered by Cellcard, Kingtel (Mobile Wifi) និង TOUS les JOURS ដើម្បីញ៉ាំងឲ្យការប្រកួត នេះកាន់តែគគ្រឹកគគ្រេង ជាងមុន ៕

ដៃគូសហការ