- 2017-02-23 02:10:18
- ផលិតផលថ្មី
ធ្លាយរាងផ្លូវការរបស់ P10
- 2017-02-23 02:10:18
- ចំនួនមតិ 0 | ចំនួនចែករំលែក 0
ធ្លាយរាងផ្លូវការរបស់ P10
ចន្លោះមិនឃើញ
ទាំង Huawei P10 និង P10 Plus រំពឹងថានឹងបង្ហាញវត្តមានក្នុងព្រឹត្តិការណ៍សមាជទូរសព្ទពិភពលោក ២០១៧ ដែលធ្វើឡើងអំឡុងថ្ងៃ ២៧ កុម្ភៈ ដល់ ថ្ងៃទី ២ មីនា។ មុនការប្រកាសនេះដែរមានការធ្លាយចេញរូបរាងផ្លូវការរបស់ P10 ដោយគណនី Twitter ឈ្មោះ Evan Blass។
Huawei P10 គេជឿថានឹងមានអេក្រង់រាបស្មើទំហំ ៥,៥ អ៊ីញខុសពី P10 Plus មានអេក្រង់កោង។ ស្មាតហ្វូននេះដើរដោយបន្ទះឈីប Kirin 960 ដែលមានល្បឿន ២,៣ GHz និង មាន GPU Mali-G71 MP8។ RAM ទំហំ ៤ GB និង អង្គផ្ទុកទិន្នន័យក្នុងម៉ាស៊ីនទំហំ ៣២ GB ឬ ៦៤ GB។ មិនតែប៉ុណ្ណោះក៏មានប្រភេទ RAM ទំហំ ៦ GB ដែលមានអង្គផ្ទុកទិន្នន័យក្នុងម៉ាស៊ីនទំហំ ៦៤ GB ឬ ១២៨ GB។
កាមេរ៉ាភ្លោះពីក្រោយជាការសហការផលិតជាមួយ Leica ដែលមានកម្រិត ១២ MP និង មានកាមេរ៉ាខាងមុខកម្រិត ៨ MP។ ចំណែកជម្រើសពណ៌វិញអាចមានរួមបញ្ចូលពណ៌បៃតង, ស្វាយ និង ពណ៌ខៀវ៕
