- 2016-12-29 03:18:22
- ព័ត៌មាន
២០១៦ ជាឆ្នាំស៊យសម្រាប់ក្រុមហ៊ុនទាំងនេះ
- 2016-12-29 03:18:22
- ចំនួនមតិ 0 | ចំនួនចែករំលែក 0
២០១៦ ជាឆ្នាំស៊យសម្រាប់ក្រុមហ៊ុនទាំងនេះ
ចន្លោះមិនឃើញ
សម្រាប់វិស័យបច្ចេកវិទ្យាមានក្រុមហ៊ុនបច្ចេកវិទ្យាធំៗមួយចំនួនបានជួបប្រទះរឿងរ៉ាវដ៏ក្រពុលមុខនៅក្នុងឆ្នាំ ២០១៦ នេះ។
@ Yahoo
ចាប់ផ្ដើមឆ្នាំ ២០១៦ ក្រុមហ៊ុន Yahoo ក៏បានចាប់ផ្ដើមកាត់បន្ថយបុគ្គលិកចំនួន ១៥%។ ក្រោយមកទៀតក្រុមហ៊ុនបច្ចេកវិទ្យានេះក៏បានទទួលស្គាល់ថាពីមុនមកធ្លាប់រងគ្រោះពីរលើក ពី Hacker ដោយធ្វើឲ្យប៉ះពាល់ដល់អ្នកប្រើប្រាស់ច្រើនជាង ១ ពាន់លាននាក់។ ក្រោយបែកធ្លាយរឿងនេះតម្លៃហ៊ុនរបស់ Yahoo បានធ្លាក់ចុះ ១៤% ពីចំណុចខ្ពស់បំផុតកាលពីខែកញ្ញា។
@ Samsung
បញ្ហាដែល Samsung ត្រូវប្រឈមមុខដំបូងគឺការហៅចូល Galaxy Note 7 រាប់លានគ្រឿងបន្ទាប់ពីករណីផ្ទុះថ្មលើស្មាតហ្វូននេះបានកើតឡើង។ ក្រោយមក Samsung ក៏បានផ្ដល់ជាការប្ដូរថ្មីសម្រាប់ទូរសព្ទដែលសង្ស័យថាមានបញ្ហា ដោយជំនួសមកវិញនូវ Note 7 ដែលមានសុវត្ថិភាព។ ប៉ុន្តែចុងក្រោយ Note 7 ដែលក្រុមហ៊ុនថាមានសុវត្ថិភាពនោះក៏មានបញ្ហាផ្ទុះថ្មដូចគ្នា។ បញ្ហានេះបណ្ដាលឲ្យ Samsung ត្រូវបង្ខំចិត្តឈប់លក់ និង ឈប់ផលិត Note 7 ដោយធ្វើឲ្យខាតបង់ប្រាក់ចំណេញរាប់ពាន់លានដុល្លារ។
បញ្ហា Note 7 នេះបានប៉ះពាល់ដល់តម្លៃហ៊ុនរបស់ Samsung ប៉ុន្តែតម្លៃហ៊ុនបានកើនឡើងវិញក្រោយក្រុមហ៊ុនប្រកាសពីការពិចារណាលើការប្ដូររចនាសម្ព័ន្ធក្រុមហ៊ុន។
បើកក្បាលឆ្នាំ ២០១៦ Twitter បានសារភាពថាកាលពីចុងឆ្នាំ ២០១៥ ខ្លួនពិតជាបាត់បង់ចំនួនអ្នកប្រើប្រាស់មែន។ ក្រោយមកទៀតបានប្រកាសពីកាត់បន្ថយការងាររាប់រយតំណែង និង បានប្រកាសពីការបិទចោលបណ្ដាញវីដេអូ Vine ទៀតផង។ ក្រុមហ៊ុនកាន់តែក្រពុលមុខខ្លាំងនៅខែចុងក្រោយនៃឆ្នាំនេះ នៅពេលដែលក្រុមហ៊ុនច្រឡំដៃផ្អាកដំណើរការគណនី Twitter របស់ Jack Dorsey ដែលជាសហស្ថាបនិកក្រុមហ៊ុននេះ។
តម្លៃហ៊ុនរបស់ Twitter នៅឆ្នាំនេះបានធ្លាក់ចុះ ២០% ចាប់តាំងពីដើមឆ្នាំមក៕
