Mitsubishi XM Concept រាងឡូយកប់ រចនាតាមទ្រឹស្ដីពិសេស

2016-12-06 02:23:46
ព័ត៌មាន

2016-12-06 02:23:46
ចំនួនមតិ 0 | ចំនួនចែករំលែក 0

ចន្លោះមិនឃើញ

រថយន្តគំរូ Mitsubishi XM បានបង្ហាញរាងនៅ Motor Expo ប្រទេសថៃ និងទទួលការចាប់អារម្មណ៍ ដោយសាររូបរាងរចនាឡើងប្លែកនិងបង្កប់ទ្រឹស្ដីពិសេស។

រូបរាងXM Concept រចនាឡើងបែបជ្រុងពីផ្នែកខាងមុខរហូតដល់គូថឡានខាងក្រោយ ដោយផ្អែកលើទ្រឹស្ដី Dynamic Shield។ Mitsubishi អះអាងថា ការរចនារាងរថយន្តបែប Dynamic Shield មិនត្រឹមតែឲ្យរថយន្តមើលទៅស្អាតនិងស៊ីវិល តែថែមទាំងជួយឲ្យការដំណើរការនិងប្រព័ន្ធការពាររថយន្តកាន់តែខ្លាំងនិងមានប្រសិទ្ធភាពបំផុត។

XM មានកៅអីអង្គុយខាងក្នុងដល់ទៅ ៣ ជួរ ដែលអាចផ្ទុកអ្នកដំណើរបាន ៧នាក់។ បើតាមការបញ្ជាក់ពីខាង Mitsubishi រថយន្តនេះរចនាឡើង សម្រាប់ការបើកបរផ្លូវឆ្ងាយ ធន់នឹងផ្លូវលំបាកនិងផ្លូវលិចទឹកផ្សេង។

Mitsubishi បន្ថែមថាក្រុមហ៊ុនបានបោះទុនដល់ទៅ ៦០០ លានដុល្លារលើគម្រោងផលិតរថយន្ត XM។ ម៉ូដរថយន្តនេះ នឹងត្រូវចូលរោងចក្រផលិតសម្រាប់ការប្រើប្រាស់លើទីផ្សារនៅចុងឆ្នាំ ២០១៧ ហើយរូបរាងនឹងដូចគំរូកំពុងបង្ហាញនៅ Motor Expo នេះ ៨០ ភាគរយ។

ទីផ្សារអាស៊ីដំបូងដែលនឹងមានលក់ XM Concept មាន ថៃ វៀតណាម និងហ្វីលីពីន៕