- 2016-11-24 09:43:32
- ផលិតផលថ្មី
ក្តារចុចឆ្លាតវៃបាត់ពី App Store ឯស្ថាបនិកបង្កើត ក៏បាត់ដំណឹង
- 2016-11-24 09:43:32
- ចំនួនមតិ 0 | ចំនួនចែករំលែក 0
ក្តារចុចឆ្លាតវៃបាត់ពី App Store ឯស្ថាបនិកបង្កើត ក៏បាត់ដំណឹង
ចន្លោះមិនឃើញ
ក្តារចុចឆ្លាតវៃ (Khmer Smart Keyboard) បង្កើតឡើងដោយក្រុម ALiEN DEV ដែលមានលោក គ្រុយ វណ្ណាជាដឹកនាំ បានបាត់ចេញពី App Store ដោយមិនដឹងមូលហេតុប្រាកដ។
ក្រុមការងារបច្ចេកវិទ្យា Sabay បានព្យាយាមទាក់ទងលោក គ្រុយ វណ្ណា ស្ថាបនិកក្រុម ALiEN DEV តាមទូរសព្ទនិងបណ្ដាញសង្គមដើម្បីសួរនាំ តែស្ងាត់ដំណឹងឈឹង គ្មានការឆ្លើយតប។
ជុំវិញបញ្ហា ក្តារចុចឆ្លាតវៃបាត់ពី App Store ឯលោកគ្រុយ វណ្ណាក៏ស្ងាត់វត្តមានប៉ុន្មានខែចុងក្រោយនេះ អ្នកស្គាល់លោក វណ្ណា ប៉ុន្មាននាក់ ក៏ងឿងឆ្ងល់ដែរ ដោយអ្នកខ្លះថា ស្ថាបនិក ALiEN DEV រូបនេះទៅបរទេស ឯខ្លះទៀតថាក្រុមលោក មានបញ្ហាខ្លះៗ ទើបអាចឈានដល់ បាត់វត្តមានក្តារចុចឆ្លាតវៃពី App Store។
យ៉ាងណា ក្តារចុចឆ្លាតវៃនៅមានវត្តមានដដែលលើ Play Store ដោយមកដល់ពេលនេះមានចំនួនទាញយកដល់ទៅជាង ៥០ម៉ឺនដង។ សម្រាប់អ្នកប្រើ iOS ដែលបានដោនឡូត ក្តារចុចឆ្លាតវៃពី App Store កាលពីមុន នៅអាចប្រើបានធម្មតា តែពុំទទួលការអាប់ដេតអ្វីថ្មីពី ALiEN DEV ឡើយ៕
