បុគ្គលិកស្ម័គ្រចិត្ត Samsung កូរ៉េ ចុះបង្រៀនសិស្ស និងចែកអំណោយនៅវិទ្យាល័យ ហ៊ុនសែនបូរី១០០ខ្នង

2016-11-06 18:28:10
ព័ត៌មាន

2016-11-06 18:28:10
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីបានរៀបចំកម្មវិធី ‘Samsung Love and Care’ ដែលជាកម្មវិធីស្ម័គ្រចិត្តប្រចាំឆ្នាំរបស់បុគ្គលិក Samsung ដើម្បីដោះស្រាយគម្លាតនៃការអប់រំ និងបញ្ហាសង្គមក្នុងកម្ពុជា ក្រុមហ៊ុន Samsung ក៏នៅបន្តបង្កើតការផ្លាស់ប្ដូរវិជ្ជមានក្នុងសហគមន៍កម្ពុជា តាមរយៈកម្មវិធីស្ម័គ្រចិត្តរបស់បុគ្គលិក Samsung មួយទៀត ដែលធ្វើឡើងនៅវិទ្យាល័យ ហ៊ុន សែន បូរី១០០ខ្នង។

កម្មវិធីនេះមានរយៈពេលចាប់ពីថ្ងៃទី២៩ តុលា ដល់ថ្ងៃទី៤ វិច្ឆិកា ២០១៦ ដោយមានបុគ្គលិកស្ម័គ្រចិត្តរបស់ Samsung ចំនួន ២៦ រូបមកពីប្រទេសកូរ៉េ ចុះសួរសុខទុក្ខ និងបង្រៀនដល់សិស្សានុសិស្សចំនួន ៣០០ នាក់ដែលកំពុងសិក្សានៅវិទ្យាល័យ ហ៊ុនសែនបូរី១០០ខ្នង។

បុគ្គលិកស្ម័គ្រចិត្តទាំងអស់ បានបង្រៀនឲ្យសិស្សទាំងអស់យល់ដឹងពីការអប់រំផ្នែកវិទ្យាសាស្ត្រ និងចេះប្រើប្រាស់កម្មវិធី Microsoft Office ក្នុងការវាយអត្ថបទ រៀបចំគម្រោង និងឌីហ្សាញ ជាដើម។ ម្យ៉ាងទៀត ពួកគេក៏បានជួយតុបតែងលំអដោយលាបពណ៌ទាំងក្នុង និងក្រៅសាលាផងដែរ។

អ្វីដែលអស្ចារ្យនោះគឺ Samsungក៏បានសាងសង់មជ្ឈមណ្ឌលព័ត៌មានវិទ្យាមួយនៅក្នុងសាលារៀន ដើម្បីផ្ដល់នូវការអប់រំផ្នែកព័ត៌មានវិទ្យាទៅដល់សិស្សានុសិស្សឲ្យកាន់តែប្រសើរឡើង ព្រមទាំងជួយផ្គត់ផ្គង់គ្រឿងបច្ចេកវិទ្យាសម្រាប់ប្រើប្រាស់ក្នុងថ្នាក់រៀន ដូចជា កុំព្យូទ័រយួរដៃ Samsung ៣០ គ្រឿង ឧបករណ៍បញ្ចាំងរូបភាព និងសម្ភារៈផ្សេងៗទៀតសម្រាប់ទ្រទ្រង់វិស័យព័ត៌មានវិទ្យានៅក្នុងសាលារៀន។

ក្នុងឱកាសនោះដែរ លោក Seungho Choi អគ្គនាយកនៃសាខាក្រុមហ៊ុនថៃ Samsung អេឡិចត្រូនិក ប្រចាំកម្ពុជា-ឡាវ ថ្លែងថា៖ "នៅ Samsung យើងតែងប្ដេជ្ញាចិត្តថានឹងខិតខំប្រឹងប្រែងឲ្យអស់ពីសមត្ថភាពក្នុងការបង្កើតសមិទ្ធផលអាជីវកម្ម និងរួមចំណែកជាមួយសហគមន៍។ យើងជឿជាក់ថា បច្ចេកវិទ្យាដើរតួនាទីយ៉ាងសំខាន់ក្នុងវិស័យអប់រំ ដែលអាចជួយពង្រឹងដល់សមត្ថភាព និងចំណេះដឹងរបស់យុវជន។ ហើយសម្រាប់បុគ្គលិករបស់យើង នេះជាឱកាសដ៏ល្អមួយក្នុងការចូលរួមចំណែកជាមួយសហគមន៍ក្នុងកម្ពុជា"៕