Macan GTS និង 718 Cayman S ពណ៌ក្រហមឆ្អៅ មកដល់ថ្មី ថ្លៃជាង ១០ ម៉ឺនដុល្លារ

2016-10-13 16:58:38
ព័ត៌មាន

2016-10-13 16:58:38
ចំនួនមតិ 0 | ចំនួនចែករំលែក 0

ចន្លោះមិនឃើញ

រថយន្តស្ព័រ Porsche Macan GTS និង Porsche 718 Cayman S ទើបបង្ហាញខ្លួនផ្លូវការកាលពីម្សិលមិញ ដោយតម្លៃចាប់ពី ១៦៤ ០០០ ដុល្លារ និង ១៣២ ០០០ ដុល្លារ។

Porsche Macan GTS

ចំពោះ Macan GTS ជាប្រភេទរថយន្តរចនាចេញពីរថយន្ត Macan S។ រថយន្តស្ព័រមួយនេះបំពាក់ដោយម៉ាស៊ីនប្រភេទ Turbo V6 (3.0-Litre bi-turbo engine) និងមានកម្លាំងម៉ាស៊ីន ៣៦០សេះ។ សន្ទុះលឿនកុងទ័ររបស់វា ពី ០ ទៅ ១០០ គ.ម/ម៉ ចំណាយពេលត្រឹមតែ ៥,២វិនាទីប៉ុណ្ណោះ ឯល្បឿនអតិបរមា ២៥៦ គ.ម/ម៉។ ចំពោះការបើកបរចម្ងាយផ្លូវ ១០០ គ.ម GTS ស៊ីសាំង ៨,៨ លីត្រ។

ចំណែកឯម៉ូដែលឡានទ្វារពីរ 718 Cayman S ជាប្រភេទរថយន្តស្ព័រ ដោយផ្នែកខាងមុខរចនាមានរាងស្ដួច កាត់បន្ថយកម្លាំងខ្យល់បុកពីខាងមុខ ដើម្បីឲ្យរថយន្តកាន់តែស្ទុះលឿនទៅមុខ។

Porsche 718 Cayman S

718 Cayman S បំពាក់ដោយម៉ាស៊ីនប្រភេទ 4-Cylinder Turbocharged ទំហំ 2.5 លីត្រ កម្លាំងម៉ាស៊ីន ៣៥០ សេះ និងល្បឿនអតិបរមា ២៧៥ គ.ម/ម៉។ សន្ទុះល្បឿនកុងទ័ររបស់វា អាចបង្កើនពី ០ ទៅ ១០០ គ.ម/ម៉ ដោយប្រើពេលតែ ៤,២ វិនាទីប៉ុណ្ណោះ និងស៊ីសាំងប្រមាណ ៧,៣ លីត្រ ក្នុងចម្ងាយផ្លូវ ១០០ គ.ម។

ទាំង Porsche Macan GTS និង Porsche 718 Cayman S សុទ្ធតែជាប្រភេទរថយន្ត បំពាក់ដោយបច្ចេកវិទ្យាទំនើបដូចជា៖

@ ប្រព័ន្ធទប់លំនឹងរថយន្តពេលបើកបរផ្លូវកោង (PTV Plus) @ ប្រព័ន្ធបូមទំនើប Porsche Active Suspension Management (PASM)។ PASM ធ្វើឲ្យការបើកបរលក្ខណៈ Sport កាន់តែរស់រវើក នោះបានន័យថានៅពេលកំណត់មុខងារ Sport បូមរថយន្តនឹងឡើងរឹង អាស្រ័យទៅតាមប្រភេទផ្លូវដែលរថយន្តកំពុងរត់និងបែបបទនៃការបើកបរ។ @ ប្រព័ន្ធហ្វ្រាំង PCCB @ ភ្លើង LED ខាងមុខ បំពាក់បច្ចេកវិទ្យា PDLS Plus @ ប្រព័ន្ធជំនួយចូលចត ParkAssist បំពាក់ដោយសិនស័រសុវត្ថិភាពទាំងផ្នែកខាងមុខនិងខាងក្រោយឡាន ដើម្បីផ្ដល់ដំណឹងពេលមានឧបសគ្គ។ @ បំពាក់ប្រព័ន្ធ Apple CarPlay @ និងប្រព័ន្ធសំឡេង Surrond Sound របស់ BOSE៕