Galaxy S7 Edge ពណ៌​ផ្កាឈូក (Pink Gold) Samsung បាន​ណែនាំ​​លក់​លើ​​ទីផ្សារ​ក្នុង​ស្រុក​ព្រឹក​នេះ។ ទូរសព្ទ​នេះ​​មាន​​លក្ខណៈ​​ប្រើប្រាស់​មិន​ខុស​​ពី​ S7 Edge បួន​ពណ៌​ផ្សេង​ទៀត​និង​ដាក់​លក់​ក្នុង​​​តម្លៃ ៧៥០ ដុល្លារ។

លោក សុខឡេង ប្រធាន​​ផ្នែក​ទំនាក់ទំនង​​របស់​ក្រុមហ៊ុន Samsung ប្រចាំ​ប្រទេស​កម្ពុជា បាន​បញ្ជាក់​ថា ក្រុមហ៊ុន​ជឿជាក់​ថា​ប្រណីត​ភាព និង​សម្រស់​របស់ S7 Edge Pink Gold នឹង​ទទួល​ការ​ចាប់​អារម្មណ៍​ខ្លាំង ព្រោះ​វា​នាំ​មក​នូវ​ភាព​ស៊ីវិល័យ​ដល់​អ្នក​ប្រើប្រាស់ ពិសេស​នារីៗ។ កាន់​តែ​ពិសេស មាន​អតិថិជន​ជាច្រើន​បាន​មក​ទិញ​ទូរសព្ទ S7 Edge Pink Gold នៅ​ថ្ងៃ​នេះ ក៏​ដូចជា​ការ​កក់​ទុក​មុន​ក្នុង​រយ:​ពេល​១សប្តាហ៍​កន្លង​មក។

S7 Edge (Pink Gold) មាន​ពណ៌​ស្រដៀង​គ្នា​នឹង iPhone 6s (Rose Gold) ដែរ។ វា​បំពាក់​ដោយ​កញ្ចក់​ប្រភេទ Super AMOLED មាន​អេក្រង់ ៥,៥អ៊ីញ រួម​នឹង Resolution 1440 x 2560 pixels។ ស្មាតហ្វូន​នេះ​មាន Memory ទំហំ 32GB/64GB និង RAM 4GB ឯ​កាមេរ៉ា​ក្រោយ 12MP និង​មុខ 5MP។ S7 Edge (Pink Gold) បំពាក់ Android Mashmallow (Version 6.0) ហើយ​ថាមពល​ថ្ម​របស់​វា​ធំ​ដល់​ទៅ 3600mAh៕

អត្ថបទ៖ ប៉ែត ផាន់និត