- 2016-04-13 12:02:12
- ព័ត៌មាន
ប្រើ TripAdvisor បង្ហាញទីតាំងណាសប្បាយត្រូវដើរលេងថ្ងៃចូលឆ្នាំ
- 2016-04-13 12:02:12
- ចំនួនមតិ 0 | ចំនួនចែករំលែក 0
ប្រើ TripAdvisor បង្ហាញទីតាំងណាសប្បាយត្រូវដើរលេងថ្ងៃចូលឆ្នាំ
ចន្លោះមិនឃើញ
សម្រាប់ថ្ងៃចូលឆ្នាំ ៤ថ្ងៃ ប្រិយមិត្តមួយចំនួនមានបំណងចង់ទៅដើរលេងទីឆ្ងាយៗក្នុងប្រទេស ហើយអ្នកខ្លះទៀតរហូតទៅដើរលេងបរទេសមានថៃជាដើម តែមិនដឹងថា ត្រូវទៅកន្លែងណាសប្បាយ។ អ្នកគួរសាកល្បងប្រើកម្មវិធីទូរសព្ទ TripAdvisor បើអ្នកពុំសូវដឹងថា ទីណាគួរទៅលេង កន្លែងគេងណាតម្លៃធូរថ្លៃនិងសេវាល្អ សម្រាប់ដើរលេងថ្ងៃចូលឆ្នាំ។
TripAdvisor អាចប្រាប់ថាកន្លែងកម្សាន្តណាល្អនិងសប្បាយ ដែលអ្នកគួរទៅលេង។ លើសពីនេះកម្មវិធីមួយនេះជួយបង្ហាញកន្លែងស្នាក់នៅ ដែលងាយស្រួលឱ្យអ្នកស្វែងរកនិងអាចកក់បន្ទប់ទុកមុនបានផងដែរ។
ទៅញាំអាហារនៅភោជនីយដ្ឋានណាល្អ? ឧទាហរណ៍បើអ្នកទៅលេងតំបន់អង្គរខេត្តសៀមរាប អ្នកគ្រាន់តែជ្រើសរើសពាក្យថា Restaurants នោះ TripAdvisor នឹងបង្ហាញនៅឈ្មោះភោជនីយដ្ឋានល្អៗទាំងឡាយដែលមាននៅតំបន់អង្គរ។ TripAdvisor ក៏អាចបង្ហាញផែនទី រូបភាព ការវាយតម្លៃ (Review) របស់ភ្ញៀវធ្លាប់ទៅញាំអាហារនិងព័ត៌មានផ្សេងៗអំពីភោជនីយដ្ឋាន ដើម្បីរឹតតែងាយសម្រាប់អ្នកស្វែងរកនិងសម្រេចចិត្ត។
នៅមានរឿងច្រើនទៀតដែលអ្នកអាចដឹងតាមរយៈ TripAdvisor ដូចជាការស្វែងរកនិងកក់ជើងហោះហើរ ដែលរឹងតែស្រួលសម្រាប់ការដើរលេងបរទេស។
ទាញយក TripAdvisor ៖
អត្ថបទ៖ ប៉ែត ផាន់និត
