Toyota Prius ម៉ូដែលថ្មីឆ្នាំ២០១៧ លេចរូបរាងជាផ្លូវការហើយ

2016-03-24 16:10:42
ព័ត៌មាន

2016-03-24 16:10:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Toyota បានដាក់តាំងបង្ហាញជាផ្លូវការនូវរថយន្ត Prius ម៉ូដែលថ្មី នៅក្នុងកម្មវិធីតាំងបង្ហាញរថយន្ត New York Auto Show។

គេបានហៅរថយន្តម៉ូដែលថ្មីនេះថា Toyota Prius Prime ដែលវាខុសប្លែកពីម៉ូដែល Prius ធម្មតា មិនថារូបរាងនិងប្រព័ន្ធដំណើរម៉ាស៊ីននោះទេ។ ប្រព័ន្ធម៉ាស៊ីនគឺជាប្រភេទ Plug-in Hybrid ដោយប្រព័ន្ធនេះប្រើប្រាស់កម្លាំងអាគុយទំហំ ៨,៨គីឡូវ៉ាត់ម៉ោង បូករួមទាំងកម្លាំងម៉ាស៊ីនធម្មតាទំហំ១,៨លីត្រ ដើម្បីដំណើរការរថយន្តទៅមុខ។

ពេលដែលដំណើរដោយប្រើប្រាស់តែអាគុយសុទ្ធរថយន្តនេះអាចបើកបានចម្ងាយ៣៥គ.ម ហើយថែមទាំងអាចបើកបរនៅល្បឿនអតិបរមាដល់ទៅ ១៣៥គ.ម/ម៉ថែមទៀតផង។ អ្វីដែលពិសេសនោះគឺអាគុយរបស់វាអាចសាកបញ្ចូលថ្មបានយ៉ាងងាយដោយគ្រាន់តែដោតចូលរន្ធភ្លើងធម្មតាតែប៉ុណ្ណោះ។

នៅពីក្នុងរថយន្តមានបំពាក់ទៅដោយអេក្រង់ Touch Screen ពិសេសទំហំ១១,៦អ៊ីញ ហើយរថយន្តនេះក៏មាននូវប្រព័ន្ធសុវត្ថិភាពជាច្រើនរបស់ក្រុមហ៊ុន Toyota ក្នុងនោះក៏មាននូវមុខងារចូលចតដោយខ្លួនឯងផងដែរ។ គួរបញ្ជាក់ថារថយន្តនេះមានបំពាក់សុទ្ធសឹងតែអំពូលប្រភេទ LED ដែលជួយសន្សំសំចៃថាមពលអេឡិចត្រូនិកបានមួយកម្រិត។