- 2016-03-09 18:30:26
- ព័ត៌មាន
Mazda CX-9 ស៊េរីថ្មីស៊ីសាំងតិចជាង Highlander ទៅទៀត
- 2016-03-09 18:30:26
- ចំនួនមតិ 0 | ចំនួនចែករំលែក 0
Mazda CX-9 ស៊េរីថ្មីស៊ីសាំងតិចជាង Highlander ទៅទៀត
ចន្លោះមិនឃើញ
កាលពីថ្មីៗនេះក្រុមហ៊ុន Mazda បានប្រកាសពីតួលេខបរិមាណប្រើប្រាស់ប្រេងឥន្ធនៈរបស់រថយន្តម៉ូដែល CX-9 ដោយបង្ហាញឲ្យឃើញថាវាជារថយន្តដែលស៊ីសាំងតិចបំផុតក្នុងចំណោមស៊េរីរថយន្តគ្រួសារ។
ដោយសារតែបានប្រើប្រាស់នូវម៉ាស៊ីនប្រភេទ SKYACTIV ដែលមានទម្ងន់ស្រាលជាងមុន រួមទាំងប្រើម៉ូទ័រដើរដោយតួប៊ីន (turbocharged) ថែមទៀតនេះ ធ្វើឲ្យរថយន្តនេះអាចសន្សំសំចៃប្រេងឥន្ធនៈបានប្រសើរជាងស៊េរីមុន។ ចំពោះការបើកបរដោយប្រើប្រាស់កង់មុខ (front-wheel drive) ម៉ាស៊ីនរថយន្តនេះបរបានចម្ងាយ ៩,៣៥គ.ម/លីត្រ លើការបើកបរក្នុងក្រុង និង ១១,៩គ.ម/លីត្រ សម្រាប់ការបើកក្រៅក្រុង។
តួលេខនេះធ្វើឲ្យរថយន្ត CX-9 ស៊េរី២០១៦ ស្ថិតលំដាប់កំពូល ដោយនៅពីលើរថយន្ត Toyota Highlander, Honda Pilot និង Nissan Pathfinder។ ចំពោះរថយន្ត Highlander ស៊េរី២០១៦ ប្រេងឥន្ធនៈមួយលីត្របរបានត្រឹមចម្ងាយ ៨,៥គ.មនៅក្នុងក្រុង និង ១០,៦៣គ.ម សម្រាប់ការបើកក្រៅក្រុង។
គួរបញ្ជាក់ថាចំពោះការបើកបរដោយប្រើប្រាស់កង់ទាំងបួន (all-wheel drive) វិញគឺ ប្រេងឥន្ធនៈមួយលីត្របរបានចម្ងាយ ៨,៩៣គ.ម នៅក្នុងទីក្រុង និងក្រៅក្រុងបរបានចម្ងាយ ១១,៤៨គ.ម។ ប្រសិនបើប្រៀបធៀបនឹងស៊េរីមុនឃើញថា CX-9 ស៊េរីថ្មីនេះសន្សំសំចៃប្រេងឥន្ធនៈបានដល់ទៅ ៣២ភាគរយឯណោះ។
និយាយអំពីម៉ាស៊ីនរបស់ CX-9 ស៊េរី២០១៦វិញគឺជាម៉ាស៊ីនប្រភេទ SKYACTIV មានស៊ីឡាំងចំនួនបួន ដែលមានទំហំ២,៥លីត្រ និងអាចបង្កើតកម្លាំងបាន ២៥០សេះ៕
ចុចអាន៖ BMW ចេញគំរូរថយន្តថ្មីប្រណិត ប្រារព្ធខួប១០០ឆ្នាំ
ប្រែសម្រួល៖ ហៃ សុខហេង ប្រភព៖ DigitalTrends