- 2014-10-23 17:16:21
- ព័ត៌មាន
ស៊ន សៀវ ម៉ី ទទួលកញ្ចប់លុយពីរម៉ឺនដុល្លារនិងក្លាយជាឯកអគ្គរាជទូតសុឆន្ទៈផ្លូវការសែលកាត
- 2014-10-23 17:16:21
- ចំនួនមតិ 0 | ចំនួនចែករំលែក 0
ស៊ន សៀវ ម៉ី ទទួលកញ្ចប់លុយពីរម៉ឺនដុល្លារនិងក្លាយជាឯកអគ្គរាជទូតសុឆន្ទៈផ្លូវការសែលកាត
ចន្លោះមិនឃើញ
ម្ចាស់មេដាយមាស ស៊ន សៀវម៉ី បានក្លាយជាឯកអគ្គរាជទូតសុឆន្ទៈឯកសិទ្ធតំណាងឲ្យក្រុមហ៊ុនសែលកាត បន្ទាប់ពីចុះកិច្ចព្រមព្រៀងជាផ្លូវការកាលពីម្សិលមិញនេះ។
លោក អៀន វ៉ាន់សុន នាយកប្រតិបត្តិ ក្រុមហ៊ុនសែលកាត បានឲ្យដឹងថា ការចុះព្រមព្រៀងនេះបញ្ជាក់ពីជំនឿជាក់ដោយសុទិដ្ឋិនិយមរបស់ក្រុមហ៊ុន ក៏ដូចជាការផ្តល់តម្លៃមនុស្សភាពនៃទស្សនវិស័យក្រុមហ៊ុន ក្នុងនាមជាអ្នកជំរុញកិច្ចអភិវឌ្ឍសង្គម។
លោកបន្តទៀតថា ក្នុងនាមជាឯកអគ្គរាជទូតសុឆន្ទៈឯកសិទ្ធ កញ្ញា ស៊ន សៀវម៉ី ទទួលបានជំនួយឧបត្ថម្ភ ប្រមាណ ២ ម៉ឺនដុល្លារ សម្រាប់ការសាងសង់អគារសាលាហ្វឹកហាត់តៃក្វាន់ដូផ្ទាល់។
ចំណែកកញ្ញា ស៊ន សៀវម៉ី បានឲ្យដឹងដែរថា កញ្ញាពិតជាមានក្តីរំភើបគ្មានអ្វីមកថ្លែងបានឡើយ ហើយសូមអរគុណដល់ក្រុមហ៊ុនសែលកាត ដែលឲ្យកញ្ញាមានឱកាសបើកក្លិបក្នុងការបណ្ដុះបណ្តាលសិស្សជំនាន់ក្រោយ។
កញ្ញាបន្តថា កញ្ញានឹងប្ដេជ្ញាចិត្តនឹងខិតខំឲ្យអស់ពីកម្លាំងកាយចិត្តដើម្បីបង្ហាត់បង្រៀនដល់សិស្សតៃក្វាន់ដូឲ្យពោរពេញដោយសមត្ថភាព។
អានអត្ថបទ៖ ដឹងថាម្ចាស់មេដាយមាស ស៊ន សៀវម៉ី ប្រើទូរសព្ទម៉ាកអីខ្លះ?
អានអត្ថបទ៖ ហាងជាង ៩០០ នៅក្នុងប្រទេសកម្ពុជានឹងបំពាក់ប្រព័ន្ធ NFC ដើម្បីទូទាត់លុយ
អានអត្ថបទ៖ ម្ចាស់មេដាយមាសស៊ន សៀវម៉ី ជាអ្នកប្រើប្រាស់ Ascend Mate 7 មុនគេនៅកម្ពុជា
អត្ថបទ៖ ដារ៉ាឆានី
