- 2016-01-20 17:41:49
- ផលិតផលថ្មី
TrafficQuiz កម្មវិធីលើទូរសព្ទបង្កើនចំណេះដឹងពីច្បាប់ចរាចរណ៍
- 2016-01-20 17:41:49
- ចំនួនមតិ 0 | ចំនួនចែករំលែក 0
TrafficQuiz កម្មវិធីលើទូរសព្ទបង្កើនចំណេះដឹងពីច្បាប់ចរាចរណ៍
ចន្លោះមិនឃើញ
TrafficQuiz ជាកម្មវិធីលើទូរសព្ទ ដែលផ្តល់ការកម្សាន្តសប្បាយជាមួយការបន្ថែមការយល់ដឹងពីការគោរពច្បាប់ចរាចរណ៍សម្រាប់អ្នកប្រើប្រាស់យានជំនិះនិងអ្នកធ្វើដំណើរលើដងផ្លូវ។
លោក អៀ អ៊ុយ អ្នកគ្រប់គ្រងក្រុម Sabay Osja បានឲ្យដឹងថា កម្មវិធី TrafficQuiz លោកបានចំណាយពេលរៀបចំប្រហែល ៣ ខែ និងទើបដាក់ដំណើរការនៅពេលថ្មីៗនេះ។ TrafficQuiz ធ្វើឲ្យអ្នកចូលរួមអាចលេងកម្សាន្តជាមួយល្បែងល្បងប្រាជ្ញាយល់ដឹងពីការប្រើប្រាស់ផ្លាកសញ្ញាចរាចរបានត្រឹមត្រូវ។ ជាមួយគ្នានេះក៏មានបន្ថែមមេរៀនណែនាំពីបញ្ហាច្បាប់ចរាចរណ៍ផងដែរ។
លោកថា មេរៀនដែលលោកយកមកបញ្ចូលក្នុងកម្មវិធីនេះ ដកស្រង់ពីឯកសារឧបសម្ពន្ធច្បាប់ចរាចរណ៍ផ្លូវគោកដែលបានដាក់ឲ្យពលរដ្ឋប្រើប្រាស់ជាផ្លូវការ។
TrafficQuiz មិនត្រឹមតែបង្កើតភាពឈ្លាសវៃសម្រាប់ការលេងកម្សាន្ត ប៉ុន្តែក៏បានចូលរួមចំណែកជួយសង្គមតាមរយៈការផ្តល់ចំណេះដឹងបន្ថែមដល់អ្នកប្រើប្រាស់ដងផ្លូវបានស្វែងយល់ពីបញ្ហាច្បាប់ចរាចរណ៍។
តាមរយៈការបង្កើតកម្មវិធីនេះ លោក អៀ អ៊ុយសង្ឃឹមថានឹងផ្តល់ប្រយោជន៍ដល់ពលរដ្ឋបានទទួលបានចំណេះដឹងបន្ថែមពីការប្រើប្រាស់ផ្លាកសញ្ញាចរាចរណ៍ ក៏ដូចជាចូលរួមលើកកម្ពស់ការគោរពច្បាប់ចរាចរណ៍ដែលជាបញ្ហាក្តៅគគុកនិងកំពុងទទួលការយកចិត្តទុកដាក់នៅក្នុងសង្គម។
កម្មវិធី TrafficQuiz ប្រិយមិត្តអាចចូលទៅទាញយកបានសម្រាប់អ្នកប្រើប្រាស់ប្រព័ន្ធ Android។ ចុចទីនេះ ដើម្បីទាញយកកម្មវិធី TrafficQuiz។
បន្តអាន៖ Sabay Osja និង DirexPlay លេចធ្លោខាងអាជីវកម្មផលិតហ្គេមកម្សាន្ត
បន្តអាន៖ ធាតុផ្សំសំខាន់ៗដើម្បីបង្កើតអង់តែនទូរសព្ទ
អត្ថបទ៖ ប៊ុណ្ណារ៉ា
