Lexus 570 ស៊េរី ០១៦ ទើបមកដល់ថ្មី កក្រើកទីផ្សារស្រុកខ្មែរ

2015-12-28 16:26:14
ព័ត៌មាន

2015-12-28 16:26:14
ចំនួនមតិ 0 | ចំនួនចែករំលែក 0

ចន្លោះមិនឃើញ

Lexus 570 ស៊េរី ០១៦ ដែលជាប្រភេទរថយន្ត SUV ពេញនិយមសម្រាប់មន្ត្រីរាជការនិងអ្នកមានក្នុងស្រុក ពេលនេះបានមកដល់ទីផ្សារប្រទេសខ្មែរ ដោយមួយគ្រឿងតម្លៃដល់ទៅ ២២ ២០០០ដុល្លារ។

បើតាមភ្នាក់ងារលក់មួយរូបនៅហាង Kimsrun Premium Auto ដែលបានដាក់លក់ Lexus 570 ស៊េរី ០១៦ ប្រាប់ Sabay ថា Lexus ស៊េរីក្រោយនេះ លក់ដាច់ខ្លាំង ដោយសាររាងទាក់ទាញនិងប្លែកពីស៊េរីមុនៗ។

LX 570 ដែលទើបតែមកដល់ទីផ្សារក្នុងស្រុកនេះ បំពាក់ដោយម៉ាស៊ីន V8 ទំហំ 5.7លីត្រ និងកម្លាំងម៉ាស៊ីនដល់ទៅ ៣៨៣សេស។ កាងខាងមុខរបស់ LX 570 ម៉ូដែលថ្មីនេះមានរាងប្លែកពីស៊េរីមុន ដោយត្រូវបានរចនាជាលក្ខណៈសំណាញ់ ដែលមើលទៅស្រដៀងគ្នាទៅនឹង Lexus RX ស៊េរី ០១៦ ដែរ។

ចង្កៀងមុខទាំងសងខាងរបស់វាប្រភេទ LED មានរាងបញ្ឈរ ដែលធ្វើឱ្យផ្នែកមុខទាំងមូលនៃរថយន្តនេះរឹតតែមានទាក់ទាញនិងស៊ីវិល័យ រីឯតាប្លូខាងក្នុងបំពាក់ដោយផ្ទាំង Touchscreen សម្រាប់ផ្ដល់ព័ត៌មានផ្សេងៗទំហំ ១២,៣អ៊ីញ។

បច្ចេកវិទ្យាទំនើបដែលបានបំពាក់លើម៉ូដែល LX 570 នេះមានដូចជា កាមេរ៉ាក្រោយប្រភេទ Panorama (Panoramic Rearview Camera) ដែលអាចឱ្យអ្នកបើកបរមើលឃើញទិដ្ឋភាពនៅខាងក្រោយរថយន្តបានយ៉ាងធំទូលាយ និងងាយស្រួល និង Driving Mode ពិសេសចំនួន ៤ (Eco, Comfort, Sport S និង Sport S+ ) សម្រាប់ពិនិត្យមើលស្ថានការណ៍ម៉ាស៊ីន ក៏ដូចជាបូមរថយន្តជាដើម។

រថយន្ត Lexus 570 ស៊េរី ០១៦ នេះត្រូវបានដាក់លក់ក្នុងហាង Kimsrun Premium Auto មានអាសយដ្ឋានក្បែរសណ្ឋាគារភ្នំពេញ និងអាចទាក់ទងតាមលេខទូរសព្ទ 016 985 555, 012 985 555, 097 985 5555។