Ford Explorer 2016 បំពាក់សិនស័រសុវត្ថិភាពមុខក្រោយ តម្លៃ ១២ម៉ឺុនដុល្លារ

2015-11-20 16:56:50
ព័ត៌មាន

2015-11-20 16:56:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន RMA Cambodia បានដាក់បង្ហាញរថយន្តប្រណិត Ford Explorer ស៊េរី ២០១៦ ដែលមានតម្លៃ ១២ម៉ឺនដុល្លារ។

Ford Explorer ស៊េរីថ្មីនេះ បំពាក់ដោយម៉ាស៊ីនពីរជម្រើស ម៉ាស៊ីនប្រភេទ V6 Ti-VCT ទំហំ 3.5លីត្រ និងម៉ាស៊ីន EcoBoost ទំហំ 2.3លីត្រ។ នៅផ្នែកតាប្លូនៃរថយន្តមានអេក្រង់ Touchscreen ទំហំ ៨អ៊ីញ សម្រាប់បញ្ជាមុខងារផ្សេងៗដូចជា ហៅចេញឬទទួលទូរសព្ទ ចាក់តន្រ្តី និងមុខងារផ្សេងទៀត ដោយប្រើសំឡេង។ ចំពោះភ្លើងមុខ និងភ្លើងក្រោយរបស់វាសុទ្ធតែជាប្រភេទ LED។

បច្ចេកវិទ្យាទំនើបនៅក្នុងរថយន្តអាចគ្រប់គ្រងសុវត្ថិភាពដល់អ្នកដំណើរបានក្នុងកម្រិតខ្ពស់។ Ford Explorer 016 បំពាក់ដោយពោងសុវត្ថិភាពចំនួន ៧ ពោងខ្សែក្រវាត់នៅជួរទីពីរចំនួន ២ និងកាមេរ៉ាខាងមុខអាចថតបានរូបភាពទំហំ ១៨០ដឺក្រេ។

ចំណែកឯសិនស័រសុវត្ថិភាពខាងក្រៅរថយន្តមានដល់ទៅ ១២ (ខាងមុខ ៦ និងខាងក្រោយ៦) ដែលអាចផ្តល់ដំណឹងបន្ទាន់ដល់អ្នកបើកបរ ក្នុងករណីមានរថយន្តឬឧបសគ្គណាមួយនៅខាងមុខឬខាងក្រោយ។

អ្វីដែលកាន់តែពិសេសសម្រាប់ Ford Explorer ស៊េរីថ្មីនេះ គឺប្រព័ន្ធចូលចតដោយស្វ័យប្រវត្តិក្នុងប្រអប់ជាលក្ខណៈស្របឬអក្សរ T និងសិនស័រនៅខាងក្រោមឃ្លុបគូទឡានសម្រាប់ចាប់ចលនា ដែលអាចឱ្យម្ចាស់រថយន្តបើកឃ្លុប ដោយគ្រាន់តែយកជើងគ្រវីនៅពីក្រោម។