- 2015-08-21 17:32:52
- ព័ត៌មាន
ក្រុមម៉ូតូធំ CBR ចំណាយពេលទំនេរទៅធ្វើការងារសប្បុរសធម៌នៅចម្ការដូង
- 2015-08-21 17:32:52
- ចំនួនមតិ 0 | ចំនួនចែករំលែក 0
ក្រុមម៉ូតូធំ CBR ចំណាយពេលទំនេរទៅធ្វើការងារសប្បុរសធម៌នៅចម្ការដូង
ចន្លោះមិនឃើញ
CBR ជាក្រុមម៉ូតូធំមួយក្នុងចំណោមក្រុមម៉ូតូធំជាច្រើន ដែលតែងតែចូលចិត្តធ្វើការងារសប្បុរសធម៌ជួយដល់សង្គម។ ថ្មីៗនេះក្រុមម៉ូតូធំមួយនេះ បានយកអំណោយជាសម្ភារៈសិក្សានិងគ្រឿងសម្ភារៈប្រើប្រាស់នានាទៅចែកដល់ក្មេងៗនិងគ្រួសារក្រីក្រជាង ២១ គ្រួសារនៅឯចម្ការដូង។
លោក វិបុល សុធីរ ប្រធានក្រុមម៉ូតូធំ CBR បានឲ្យដឹងថា សមាជិកក្រុមម៉ូតូធំរបស់លោកដែលមានគ្នាជាង ៧០ នាក់និងប្រើប្រាស់ម៉ូតូធំជាង ៣០ គ្រឿង កាលពីពេលថ្មីៗនេះបានជួបជុំគ្នាធ្វើដំណើរយកអំណោយទៅចែកជូនដល់ជនទីទាល់ក្រនៅចម្ការដូង។
លោកបន្តថា អំណោយដែលយកទៅចែកជូននេះបានមកពីការចូលរួមពីក្រុមសមាជិកម្នាក់ៗដែលអ្នកខ្លះតាមសទ្ធា ៥ ដុល្លារ ១០ ដុល្លារតាមតិចច្រើន និងបានពីក្រុមហ៊ុនប្រេងម៉ាស៊ីនក្នុងស្រុកមួយ។
CBR ដើមឡើយគ្រាន់តែជាក្រុមម៉ូតូធំជួបជុំគ្នាក្នុងដំណើរកម្សាន្តផ្សេងៗ តែក្រោយពីមានការចែករំលែកព័ត៌មានតាមបណ្ដាញសង្គមផ្សេងៗពីប្រជាជនក្រីក្រ ទើបក្រុមនេះចាប់ដើមធ្វើការងារសប្បុរសធម៌ផង និងដំណើរកម្សាន្តផងដែរដើម្បីរួមចំណែកជួយសង្គមក្នុងនាមជាពលរដ្ឋល្អ។
ក្នុងការចុះចែកអំណោយនេះ ក្រុមម៉ូតូធំ CBR បានមើលឃើញការខ្វះអនាម័យរបស់ពលរដ្ឋក្រីក្រ និងក៏បានចូលរួមបង្រៀនពីការធ្វើអនាម័យដល់ពលរដ្ឋក្រីក្រទាំងនោះដែរ។
អត្ថបទ៖ ដារ៉ាឆានី
រូបភាព៖ ផ្តល់ឲ្យ
