- 2014-10-14 00:37:06
- ព័ត៌មាន
ម្ចាស់មេដាយមាសស៊ន សៀវម៉ី ជាអ្នកប្រើប្រាស់ Ascend Mate 7 មុនគេនៅកម្ពុជា
- 2014-10-14 00:37:06
- ចំនួនមតិ 0 | ចំនួនចែករំលែក 0
ម្ចាស់មេដាយមាសស៊ន សៀវម៉ី ជាអ្នកប្រើប្រាស់ Ascend Mate 7 មុនគេនៅកម្ពុជា
ចន្លោះមិនឃើញ
កីឡាការិនីម្ចាស់មេដាយមាសតេក្វាន់ដូព្រឹត្តិការណ៍កីឡាអាស៊ី ស៊ន សៀវម៉ី បានក្លាយជាពលរដ្ឋកម្ពុជាដំបូងគេដែលបានប្រើប្រាស់ Ascend Mate 7 ខណៈទូរសព្ទនេះមិនទាន់ចេញលក់នៅលើទីផ្សារនៅឡើយ។
អម្បាញ់មិញនេះ ក្រុមហ៊ុន Huawei បានប្រគល់ទូរសព្ទ Ascend Mate 7 ដល់កីឡាការិនី ស៊ន សៀវម៉ី និងបានប្រកាសថាកីឡាការិនីឆ្នើមរូបនេះ ជាពលរដ្ឋកម្ពុជាដំបូងដែលបានប្រើទូរសព្ទ Ascend Mate 7 ក្នុងគ្រាដែលទូរសព្ទដ៏ទំនើបនេះនៅមិនទាន់មានលក់នៅលើទីផ្សារប្រទេសកម្ពុជានៅឡើយ។
តំណាងក្រុមហ៊ុន Huawei បានឲ្យដឹងថា ការផ្តល់រង្វាន់ដ៏ពិសេសនេះជាលើកទឹកចិត្តសម្រាប់កីឡាការិនីកម្ពុជាដ៏ឆ្នើមរូបនេះ ដែលបានសាងប្រវត្តិសាស្ត្រដ៏អស្ចារ្យសម្រាប់ក្រុមកីឡាកម្ពុជាក្នុងរយៈពេលជាង ៤០ ឆ្នាំនេះ ក្នុងការដែលអាចដណ្តើមមេដាយមាសនាព្រឹត្តិការណ៍កីឡាអាស៊ី Asian Game 2014។
ស៊ន សៀវម៉ី បានបំបែកកំណត់ត្រាមិនឈ្នះមេដាយសោះ របស់ក្រុមកីឡាកម្ពុជាក្នុងរយៈពេល ៤៤ ឆ្នាំចុងក្រោយនេះ ក្នុងការដែលអាចដណ្ដើមបានមេដាយមាសក្នុងព្រឹត្តិការណ៍កីឡាអាស៊ី Asian Game 2014 សម្រាប់វិញ្ញាសាតេក្វាន់ដូ ដែលនាំឲ្យពលរដ្ឋកម្ពុជាមានមោទនភាព និងរំជួលចិត្តជាខ្លាំង។
ដោយសារតែសម្រេចបានស្នាដៃមិននឹកស្មានដល់នេះ ទើបកីឡាការិនី ស៊ន សៀវម៉ី ទទួលបានការលើកទឹកចិត្តជាខ្លាំង ដោយទទួលបានការឧបត្ថម្ភថវិកាជាបន្តបន្ទាប់ពីស្ថាប័ននានា ដើម្បីបន្តការប្រឹងប្រែងនិងបង្កើតសមិទ្ធផលថ្មីបន្ថែមនាពេលអនាគត។
តាមការបញ្ជាក់របស់តំណាងក្រុមហ៊ុន Huawei បានឲ្យដឹងថា Ascend Mate 7 អាចមកដល់ទីផ្សារប្រទេសកម្ពុជាអំឡុងខែវិច្ឆិកាចុងឆ្នាំ ២០១៤។ តែតម្លៃគេមិនបានបង្ហើបនោះទេ។
អានអត្ថបទ៖ កំពូលស្មាតហ្វូនទាំង ៤ គីឡូធ្ងន់ហ៊ានតតាំង iPhone 6/6Plus
អានអត្ថបទ៖ ចំណាយពេលបន្តិចស្វែងយល់ពីក្តារចុចខ្មែរលើ iOS 8
អានអត្ថបទ៖ N-Gage ទូរសព្ទល្បីជំនាន់ឆ្នាំ ២០០៤ លេចមុខជាថ្មីនាំឲ្យសង្ស័យទីផ្សារប្រើប្រាស់
អត្ថបទ៖ ប៊ុណ្ណារ៉ា
