- 2015-07-10 16:07:27
- ព័ត៌មាន
រថយន្តជាង ៤លានគ្រឿងមិនរលាស់ពោង Honda ប្រកាសអាសន្ន
- 2015-07-10 16:07:27
- ចំនួនមតិ 0 | ចំនួនចែករំលែក 0
រថយន្តជាង ៤លានគ្រឿងមិនរលាស់ពោង Honda ប្រកាសអាសន្ន
ចន្លោះមិនឃើញ
ករណីរថយន្តមិនរលាស់ពោងសុវត្ថិភាព ដែលបណ្ដាលឲ្យមនុស្ស៨នាក់ ស្លាប់ ត្រូវបានបាងកកប៉ុស្តិ៍រាយការណ៍ថា Honda កំពុងដុតដៃដុតជើង ប្រកាសប្រមែប្រមូលរថយន្តមិនតិចជាង ៤,៥លានគ្រឿងទេ (មិនបញ្ជាក់ម៉ូដែល) មកដោះស្រាយបញ្ហាជាបន្ទាន់។
រឿងរ៉ាវឈឺក្បាលថ្មីនេះ កើតមានឡើងបន្ទាប់ពី Honda ប្រកាសប្រមូលរថយន្តរបស់ខ្លួននៅអាមេរិក ជាង ១០ម៉ឺនគ្រឿង ដែលមានបញ្ហាប្រព័ន្ធពោងសុវត្ថិភាព មានកម្លាំងផ្ទុះខ្លាំងពេក ដែលអាចបង្កជាគ្រោះថ្នាក់ដល់អ្នកបើកបរ កាលពីខែ មីនា កន្លងទៅ។
គិតត្រឹម៦ខែដំបូងនេះ ចំណូលរបស់Honda ធ្លាក់ចុះរហូតដល់ទៅ ១៤% ដោយសារតែមានបញ្ហាមិនចេះចប់មិនចេះហើយលើផ្នែកពោងសុវត្ថិភាព ដែលផ្គត់ផ្គង់ដោយក្រុមហ៊ុន "តាកាតា"។
ក្រៅពីHonda និង Nissan នៅទីផ្សារអាមេរិកសហគ្រាសយានយន្តធំៗ២ទៀតមាន GM និង BWM ក៏មានបញ្ហានេះដូចគ្នា រហូតត្រូវបានអាជ្ញាធរដាក់សម្ពាធដល់ក្រុមហ៊ុនទាំងនេះ កោះហៅរថយន្តជាង ៣៤លានគ្រឿង មកប្ដូរ និងជួសជុលបញ្ហាពោងសុវត្ថិភាពវិញ។ ចំនួនដ៏ច្រើនសន្ធឹកសន្ធាប់នេះ ជាប់ជាចំនួនហៅត្រឡប់រថយន្តដែលមានបញ្ហាលើផ្នែកនេះ (ពោង) ច្រើនបំផុតក្នុងប្រវត្តិសាស្ត្រលើទឹកដីប្រទេសមហាអំណាចមួយនេះ។
ស្ថាប័នសុវត្ថិភាពផ្លូវគោកសហរដ្ឋអាមេរិក បានអនុម័តការផាកពិន័យក្រុមហ៊ុនផ្គត់ផ្គង់ពោងសុវត្ថិភាពដែលមានមូលដ្ឋាននៅក្រុងតូក្យូ "តាកាតា" ដែលបង្កបញ្ហានេះ ចំនួន ១ម៉ឺន ៤ពាន់ដុល្លារអាមេរិក ក្នុង១ថ្ងៃៗ កាលពីខែកុម្ភៈកន្លងទៅ ក្នុងគោលបំណង ឲ្យក្រុមហ៊ុននេះ ផ្ដល់ឯកសារស៊ើបអង្កេតលើបញ្ហាពោងសុវត្ថិភាព ដែលកើតមានឡើងជាង ១០ឆ្នាំមកនេះ។
ក្រុមហ៊ុនផ្គត់ផ្គង់ពោងសុវត្ថិភាពដ៏ធំឲ្យបណ្ដាក្រុមហ៊ុនផលិតយានយន្តធំៗ កំពុងប្រឈមចំពោះមុខច្បាប់លើការស៊ើបអង្កេតលើករណីគ្រោះថ្នាក់ដល់ជីវិតកន្លងមក។ អ្នកនាំពាក្យរបស់ក្រុមហ៊ុននេះថា "ក្រុមហ៊ុនខ្លួនឯងផ្ទាល់ក៏សម្ដែងក្ដីបារម្ភ និងដាក់ការស៊ើបអង្កេតយ៉ាងយកចិត្តទុកដាក់កម្រិតអតិបរមាជាមួយស្ថាប័នពាក់ព័ន្ធដូចគ្នា ”។
អាន៖ រថយន្ត Mazda ជាង ៨ម៉ឺនគ្រឿងក៏ជួបបញ្ហាពោងសុវត្ថិភាពដែរ
អាន៖ ព័ត៌មានទាំងអស់ពី Honda
សម្រាប់អ្នកប្រើប្រាស់រថយន្ត ជជុះនៅកម្ពុជា តើធ្លាប់ព្រួយបារម្ភលើបញ្ហា ពោងសុវត្ថិភាពមិនរលាស់ដែរឬទេ?
ដោយ៖ ខ្លាឃ្មុំតូច ប្រភព៖ bangkokpost
