Google I/O សន្និសីទជួបជុំអ្នកអភិវឌ្ឍកម្មវិធីឆ្នាំនេះភ្នំពេញនិងសៀមរាបធ្វើជាម្ចាស់ផ្ទះ

2015-07-07 15:43:38
ព័ត៌មាន

2015-07-07 15:43:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ចុងសប្ដាហ៍នេះ នៅទីក្រុងភ្នំពេញនិងខេត្តសៀមរាបនឹងមានរៀបចំព្រឹត្តិការណ៍ Google I/O Extended Phnom Penh និង Google I/O Extended Siem Reap ដែលនឹងនាំមកនូវអ្នកអភិវឌ្ឍន៍កម្មវិធីទាំងក្នុងស្រុកនិងក្រៅស្រុក ដែលពួកគេនឹងមកចែករំលែកគំនិតនិងទស្សនៈលើការអភិវឌ្ឍកម្មវិធីដល់អ្នកជំនាញនិងអ្នកដែលចូលចិត្តបច្ចេកវិទ្យា។

Google I/O ជាសន្និសីទដែលរៀបចំឡើងជារៀងរាល់ឆ្នាំនៅ San Francisco រដ្ឋ California សហរដ្ឋអាមេរិកដោយផ្ដោតលើអ្នកអភិវឌ្ឍន៍កម្មវិធី ។ ព្រឹត្តិការណ៍ Google I/O Extended ត្រូវបានធ្វើឡើងនៅគ្រប់ទីកន្លែងទូទាំងពិភពលោក។ ដោយឡែកសម្រាប់ប្រទេសកម្ពុជា នេះជាឆ្នាំទីពីរបន្ទាប់រៀបចំលើកដំបូងកាលពីឆ្នាំ ២០១៤ ទទួលបានជោគជ័យយ៉ាងត្រចះត្រចង់។

ប្រិយមិត្តដែលជាអ្នកអភិវឌ្ឍកម្មវិធី ឬចង់ក្លាយជាអ្នកអភិវឌ្ឍកម្មវិធី អាចចូលរួមកម្មវិធីនេះដោយសេរីនិងមានឱកាសបានជួបជាមួយអ្នកអភិវឌ្ឍកម្មវិធីទាំងក្នុងស្រុកនិងក្រៅស្រុក ដែលពួកគេនឹងបង្ហាញពីការអភិវឌ្ឍកម្មវិធីថ្មីៗដើម្បីប្រិយមិត្តចូលរួមសិក្សាស្វែងយល់។

នៅទីក្រុងភ្នំពេញ Google I/O Extended Phnom Penh នឹងរៀបចំឡើងនៅអាគារ Development Innovations នាថ្ងៃសៅរ៍ទី ១១ កក្កដា ចាប់ពីវេលាម៉ោង ៨ ០០ ព្រឹកដល់ម៉ោង ៥ ០០ ល្ងាច។

ចំណែកនៅខេត្តសៀមរាប Google I/O Extended Siem Reap នឹងរៀបចំឡើងនៅ The 1961 Coworking and Art Space នាថ្ងៃអាទិត្យទី ១២ កក្កដា ចាប់ពីវេលាម៉ោង ៨ ០០ ព្រឹកដល់ម៉ោង ៥ ០០ ល្ងាច៕

អត្ថបទ៖ ប៊ុណ្ណារ៉ា