ឈ្នះរង្វាន់ដ៏សន្ធឹករួមទាំងម៉ូតូ RKS 150 ការប្រកួតថតរូប Benelli Keeway Photo Contest

2015-06-10 22:19:26
ព័ត៌មាន

2015-06-10 22:19:26
ចំនួនមតិ 0 | ចំនួនចែករំលែក 0

ចន្លោះមិនឃើញ

រង្វាន់ជាច្រើន ជាពិសេសរង្វាន់ធំម៉ូតូ RKS 150 មួយគ្រឿងអាចជារបស់ប្រិយមិត្ត ដែលចូលរួមកម្មវិធីប្រកួតថតរូប Benelli Keeway Photo Contest ដែលរៀបចំឡើងដោយក្រុមហ៊ុន Benelli-Keeway Cambodia។

លោក ចេក សម្បត្តិប្រធានគ្រប់គ្រងទូទៅក្រុមហ៊ុន Benelli-Keeway Cambodia បានឲ្យដឹងថា ការប្រកួតនេះមិនមានអីពិបាកនោះទេ ប្រិយមិត្តទាំងអស់គ្រាន់តែថតរូបឲ្យបានស្រស់ស្អាតជាមួយនឹងម៉ូតូម៉ូឌែលណាមួយរបស់ Benelli-Keeway រួចបញ្ជូនរូបថតនោះមកចូលរួមប្រកួតក្នុងកម្មវិធី នឹងមានឱកាសឈ្នះរង្វាន់ជាច្រើនដែលរង្វាន់ធំគឺម៉ូតូ RKS 150 មួយគ្រឿង។

លោកថា ដើម្បីមានឱកាសឈ្នះក្នុងកម្មវិធីនេះ អ្នកចូលរួមត្រូវព្យាយាមស្វែងរកចំនួន Vote និង Share ឲ្យបានច្រើនបំផុតពីប្រិយមិត្តនៅលើបណ្តាញសង្គម Facebook។

ការប្រកួតប្រជែងថតរូប Benelli-Keeway មានការបែងចែកជាច្រើនជុំ។ ជុំដំបូងចាប់ពីថ្ងៃ ២៥ ឧសភា ដល់ ២៥ កក្កដា ជារយៈពេលដែលអ្នកចូលរួមត្រូវបញ្ជូនរូបថតប្រកួតប្រជែងគ្នា ដើម្បីចម្រាញ់រករូបថតស្រស់ស្អាតជាងគេ និងទទួលការ Vote ច្រើនជាងគេចំនួន ៥០ នាក់ ដើម្បីមានឱកាសទៅប្រកួតនៅជុំទីពីរ។

នៅជុំទីពីរ ការប្រកួតចាប់ពីថ្ងៃទី២៧ ខែកក្កដា ឆ្នាំ២០១៥ ដល់ ថ្ងៃទី១០ ខែសីហា ឆ្នាំ២០១៥ ដែលនឹងត្រូវបន្តជម្រុះស្វែងរករូបថតដែលទទួលបាន Vote ច្រើនជាងគេចំនួន ២០ នាក់ដើម្បីឡើងទៅជុំទីបី។ នៅជុំទីបីចាប់ពីថ្ងៃទី១៤ ខែសីហា ឆ្នាំ២០១៥ ដល់ ថ្ងៃទី២៨ ខែសីហា ឆ្នាំ២០១៥ នឹងជម្រុះយករូបថតដែលទទួលបានការ Vote ច្រើនជាងគេចំនួន ១៣ នាក់ ដើម្បីឡើងទៅជុំផ្ដាច់ព្រ័ត្រ។

បន្ទាប់មកនៅជុំចុងក្រោយជាជុំផ្ដាច់ព្រ័ត្រ នឹងជ្រើសរើសស្វែងរកជយលាភីសម្រាប់រង្វាន់ទី១ ទី២ ទី៣ និងរង្វាន់លើកទឹកចិត្ត។ រង្វាន់ជយលាភីទីមួយទទួលបានម៉ូតូ RKS 150 មួយរង្វាន់, រង្វាន់លេខពីរ ទូរសព្ទ iPhone 6 មួយរង្វាន់, រង្វាន់លេខបី iPad Mini មួយរង្វាន់ រួមទាំងរង្វាន់លើកទឹកចិត្តរួមមានអាវក្រៅ ម៉ួកសុវត្ថិភាពចំនួន ១០ រង្វាន់។

លោក ចេក សម្បត្តិបានបញ្ជាក់ថា សម្រាប់អ្នកដែលបានឡើងទៅកាន់វគ្គផ្ដាច់ព្រ័ត្រ ចាំបាច់ត្រូវទទួលបានការ Vote លើរូបថតរបស់ខ្លួនយ៉ាងតិចបំផុត ២០០០ សំឡេងឡើងទៅ ទើបមានឱកាសបានឈ្នះរង្វាន់មានម៉ូតូ ទូរសព្ទ និង iPad Mini ក្នុងករណីទទួលសំឡេងការVote មិនគ្រប់ចំនួន នឹងទទួលបានរង្វាន់លើកទឹកចិត្ត។

លោកថា ការរៀបចំកម្មវិធីនេះគឺដើម្បីលើកទឹកចិត្តដល់អតិថិជនដែលគាំទ្រផលិតផលម៉ូតូ Keeway ក៏ដូចជាចង់ឲ្យអតិថិជនដទៃទៀត អាចស្វែងយល់ពីម៉ូតូ Keeway តាមរយៈការចូលរួមការប្រកួតថតរូបនេះ។

សម្រាប់ព័ត៌មានបន្ថែមការចូលរួមកម្មវិធីនេះ ប្រិយមិត្តអាចទាក់ទងតាមទូរសព្ទ ០២៣ ៧២៧ ៣៧៣ ឬចូលទំព័រ Benelli Keeway Cambodia តាមតំណភ្ជាប់នេះ។

អត្ថបទ៖ ប៊ុណ្ណារ៉ា