សិស្សនិស្សិត ១៥ នាក់ប្រកួតគ្នារចនារូបភាពលើទូរសព្ទ

2015-04-27 17:56:38
ព័ត៌មាន

2015-04-27 17:56:38
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីសប្តាហ៍មុននេះ មានការប្រកួតប្រជែងការរចនារូបភាពលើទូរសព្ទ ដែលមានការចូលរួមពីសិស្សនិស្សិតមកពីសាលានានា។ កម្មវិធីនេះ តម្រូវឲ្យអ្នកចូលរួមបង្ហាញពីសមត្ថភាពការឌីហ្សាញរូបភាពដ៏ទាក់ទាញជាងគេ ដើម្បីក្លាយជាជយលាភី។

លោក មាជ សម្បត្តិ អ្នកគ្រប់គ្រងផ្នែកលក់របស់ក្រុមហ៊ុន G Gear ដែលរៀបចំកម្មវិធីនេះបានឲ្យដឹងថា នេះជាលើកទី ២ ដែលក្រុមហ៊ុនបានរៀបចំការប្រកួតរចនារូបភាពលើទូរសព្ទ ដោយមានការចូលរួមពីសិស្សនិស្សិតមកពីសាលានានា។ វិញ្ញាសាគឺតម្រូវឲ្យបេក្ខជនប្រកួតរចនាដោយផ្ទាល់លើទួរសព្ទ AKA ដើម្បីទទួលជាជយលាភី។

លោកថា បេក្ខជនដែលបានចូលរួមនេះ គឺបន្ទាប់ពីជម្រុះចេញពីបេក្ខជនរាប់រយនាក់ទៀតនៅជុំទីមួយ និងចម្រាញ់នៅសល់តែ ១៥ នាក់ដើម្បីឆ្លងមកជុំចុងក្រោយ។

"ដំបូងយើងឲ្យបេក្ខជនទាំងអស់ចូលរួមរចនារូបភាពនៅលើក្រដាស បន្ទាប់មកពីទើបវាយតម្លៃរកស្នាដៃដ៏លេចធ្លោបំផុតដើម្បីមកប្រកួតប្រជែងគ្នារចនានៅលើទូរសព្ទនៅវគ្គផ្តាច់ព្រ័ត្រ"។

លោកបញ្ជាក់ថា បេក្ខជនចំនួន ៣ រូប ដែលជាប់ជាជយលាភីនៅវគ្គផ្តាច់ព្រ័ត្រនឹងទទួលបានប្រាក់ ប័ណ្ណសរសើរ និង ទូរសព្ទម្នាក់មួយគ្រឿង។

គោលការណ៍សម្រាប់វាយតម្លៃសម្រាប់ជយលាភីគឺ ៥០ ភាគរយពីណៈកម្មការដោយមើលលើគំនិតច្នៃប្រឌិតការរចនារបស់បេក្ខជន និង ៥០ ភាគរយទៀតសម្រេចទៅលើការបោះឆ្នោតនៃចំនួន Like របស់ប្រិយមិត្តតាមរយៈបណ្ដាញសង្គម Facebook និង Youtube។