រូបស៊ន សៀវម៉ី គ្របដណ្តប់ពេញបណ្តាញសង្គម Facebook ម្សិលមិញនេះ

2014-10-04 16:23:19
ព័ត៌មាន

2014-10-04 16:23:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយដឹងថា កីឡាការីនីតេក្វាន់ដូកម្ពុជា ស៊ន សៀវម៉ី ឈ្នះបានមេដាយមាសនៅព្រឹត្តិការណ៍ Asian Game កាលពីម្សិលមិញនេះ នៅលើបណ្តាញសង្គម Facebook រូបរបស់កីឡាការិនីរូបនេះ ត្រូវបានប្រិយមិត្តជាច្រើនបានបង្ហោះពេញបណ្តាញសង្គមនេះយ៉ាងជោរជន់។ ក្រៅពីផ្ញើសារអបអរសាទេរ ប្រិយមិត្តមួយចំនួនក៏បានយករូបកីឡាការិនីរូបនេះ ធ្វើជារូប Profile ថែមទៀតផង។

នៅលើ Facebook លោក Roeun Rithea បានសរសេរថា៖ "មោទនភាពសម្រាប់ជាតិខ្មែរដែលទង់ជាតិបង្ហូតឡើងអោយពិភពលោកស្គាល់កាន់តែច្បាស់"។

ចំណែកលោក Choup Hokheng ក៏បានបញ្ចេញមតិតាមបណ្តាញសង្គមមួយនេះដែរថា៖ "ពិតជាអស្ចារ្យខ្លាំងណាស់ ! សៀវ ម៉ី ពិតជាពូកែខ្លាំងណាស់ ។ សូមចូលរួមអបអរសាទរ និងមោទនភាព របស់សៀវ ម៉ី"។

ស៊ន សៀវម៉ី បានឈ្នះមេដាយមាស បន្ទាប់ពីបានបំបាក់ជើងខ្លាំងអ៊ីរ៉ង់ Rouhani Fatameh ដោយលទ្ធផល៧-៤ នៅវគ្គផ្ដាច់ព្រ័ត្រក្នុងព្រឹត្តិការណ៍កីឡាទ្វីបអាស៊ី Asian Games លើកទី១៧ នៅទីក្រុង Incheon ប្រទេសកូរ៉េខាងត្បូង។

ក្រៅពីប្រិយមិត្តជាច្រើន ថ្នាក់ដឹកនាំក៏ដូចជាមន្រ្តីកីឡាកម្ពុជាជាន់ខ្ពស់ជាច្រើនរូបក៏បានអបអរសាទរ និងធ្វើការកោតសរសើរសម្រាប់ការសម្រេចលទ្ធផលគួរជាទីមោទនរបស់កីឡាការិនីរូបនេះ។

អានអត្ថបទ៖ ស្នាដៃរចនាតួអង្គ Asva The Monkey ឈ្នះពានរង្វាន់នៅប្រទេសជប៉ុន

អត្ថបទ៖ ដារ៉ាឆានី