RMA ណែនាំអ្នកជំនាញបច្ចេកទេសរថយន្ត Jaguar Land Rover ប្រចាំប្រទេសកម្ពុជា

2014-09-29 20:12:57
ព័ត៌មាន

2014-09-29 20:12:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយបានសិទ្ធិលក់និងចែកចាយម៉ាករថយន្តប្រណិត Jaguar និង Land Rover ក្រុមហ៊ុន RMA Cambodia បានធ្វើសន្និសីទណែនាំបង្ហាញអ្នកជំនាញការបច្ចេកទេសជួសជុលនិងថែទាំរថយន្ត Jaguar និង Land Roverប្រចាំប្រទេសកម្ពុជា។

លោក រ៉ាមី សារ៉ាហ្វ អគ្គនាយកក្រុមហ៊ុន RMA បានឲ្យដឹងថា បន្ទាប់ពីក្រុមហ៊ុនទទួលបានសិទ្ធិលក់និងចែកចាយរថយន្តម៉ាក Jaguar និង Land Rover នៅប្រទេសកម្ពុជា ក្រុមហ៊ុនបានវិនិយោគយ៉ាងធំលើធនធានមនុស្សផ្នែកបច្ចេកទេស ដោយបាននាំអ្នកជំនាញការបច្ចេកទេសពីបរទេសជាច្រើនរូប ដើម្បីទទួលផ្ដល់សេវាថែទាំ និងជួសជុលរថយន្តដ៏ប្រណីតនេះជូនអតិថិជនកម្ពុជា។

អ្នកជំនាញការបរទេសដែលក្រុមហ៊ុន RMA នាំមកមានលោក John Andrew Carter ប្រធានគ្រប់គ្រងផ្នែកជួសជុលនិងសេវាកម្មថែទាំរថយន្ត, លោក Adam Lewandowski ប្រធានគ្រប់គ្រងផ្នែកសេវាកម្ម និងលោក Amaladass Singarayer ជាអ្នកឯកទេសវិភាគវិនិច្ឆ័យអាការៈរថយន្តនិងពិនិត្យគុណភាពរថយន្ត បន្ទាប់ពីជួលជុលរួច។

លោក រ៉ាមី សារ៉ាហ្វ បានបន្តថា អ្នកបច្ចេកទេសទាំងនេះ សុទ្ធតែមានជំនាញនិងដែលទទួលបានការបណ្ដុះបណ្ដាលផ្ទាល់ពីរោងចក្រផលិតរថយន្ត Jaguar Land Rover ពីប្រទេសអង់គ្លេស។ ក្រៅពីនេះ លោកបញ្ជាក់ថា ក៏មានអ្នកជំនាញក្នុងស្រុកមួយចំនួនទៀត ដែលត្រូវបានបណ្ដុះបណ្ដាលយ៉ាងត្រឹមត្រូវ ក្នុងការចាំផ្តល់សេវាកម្មជួសជុលនិងថែទាំដល់អតិថិជនដែលមានបញ្ហាលើការប្រើប្រាស់រថយន្តដ៏ប្រណីតទាំងពីរនេះ ប្រកបដោយស្តង់ដារនិងគួរឲ្យទុកចិត្ត។

ក្រុមហ៊ុន RMA Cambodia បានដំណើរការក្នុងប្រទេសកម្ពុជាអស់រយៈពេលជាង ១៦ ឆ្នាំមកហើយ។ បច្ចុប្បន្ននេះ ក្រុមហ៊ុនបាននាំម៉ាករថយន្តប្រណិតជាច្រើនលក់លើទីផ្សារប្រទេសកម្ពុជារួមមាន Ford, Jaguar និង Land Rover។

ព័ត៌មានបន្ថែម អាចទំនាក់ទំនងមកកាន់ក្រុមហ៊ុន RMA តាមលេខទូរសព្ទ ០២៣ ៨៨៨ ៨១១៕

អាន៖នាវាមុជទឹកផ្ទាល់ខ្លួនចេញហើយ តែតម្លៃដល់ទៅ ១,៦លានដុល្លារឯណោះ....

អាន៖១០ចំណុចមើលដឹងថា កុំព្យូទ័រឆ្លងមេរោគឬអត់ និងវិធីងាយៗដើម្បីព្យាបាល....

អត្ថបទ៖ ប៊ុណ្ណារ៉ា