Ford Ranger 2024 ត្រូវបាន​បញ្ចេញ​ជាផ្លូវការ​ហើយនៅទីផ្សារអាមេរិក ដោយមានតម្លៃជាង ៣ម៉ឺន ៤ពាន់ដុល្លារ និង Ranger Raptor មានតម្លៃជាង ៥ម៉ឺន ៧ពាន់ដុល្លារ។

Ford Ranger 2024: ប្រើម៉ាស៊ីន EcoBoost ចំណុះ ២,៣លីត្រ ផលិតបាន​កម្លាំង ២៧០សេះ និងកម្លាំងរមួល ៤២០ញូ៉តុនម៉ែត្រ ដំណើរការដោយប្រអប់លេខអូតូ ១០វគ្គ។ ជាមួយគ្នានេះ Ford ក៏នឹង​ផ្តល់ជម្រើស​ប្រើម៉ាស៊ីន EcoBoost ចំណុះ ២,៧លីត្រ ផលិតបាន​កម្លាំង ៣១៥សេះ និងកម្លាំងរមួល ៥៤២ញ៉ូតុនម៉ែត្រ។

ផ្នែកខាងក្នុង​ គឺបំពាក់កុងទ័រឌីជីថល ៨ ឬ ១២អ៊ីញ និង​អេក្រង់ថាច់ស្គ្រីន ១០,១ ឬ ១២អ៊ីញ ខុសៗគ្នា​ទៅតាម option នីមួយៗ។ ក្នុងកាប៊ីន ត្រូវបាន​បំពាក់ Drive Mode Selector, ឆ្នាំងសាកឥតខ្សែ, ចង្កឹះលេខ e-shifer, រន្ធខ្សែ USB និង​ប្រព័ន្ធសំឡេង B&O premium Audio ជាដើម។

Ranger Raptor: ប្រើម៉ាស៊ីន EcoBoost ចំណុះ ៣,០លីត្រ ផលិត​បាន​កម្លាំង ៤០៥សេះ និងកម្លាំងរមួល ៥៨២ញ៉ូតុនម៉ែត្រ។ វាផ្តោតសំខាន់ទៅលើការបើកបរ OFF-Road ដោយ​បំពាក់ប្រព័ន្ធបូម Fox Live Valve Shock និង​ សំបកកង់ BFGoodrich។ វាមាន​ Mode រហូតដល់ទៅ៧ សម្រាប់​បើកបរ​លើស្ថានភាព​ផ្លូវផ្សេងៗគ្នាដូចជា Normal, Tow/Haul, Sport, Slippery, Off-Road, Rock Crawl និង Baja៕