- 2022-04-27 06:36:30
- ព័ត៌មាន
ដឹងការចំណាយថ្លៃសាកភ្លើងស្រុកខ្មែរ ច្បាស់ជាចង់ទិញឡានអគ្គិសនីមកប្រើហ្មង
- 2022-04-27 06:36:30
- ចំនួនមតិ 0 | ចំនួនចែករំលែក 0
ដឹងការចំណាយថ្លៃសាកភ្លើងស្រុកខ្មែរ ច្បាស់ជាចង់ទិញឡានអគ្គិសនីមកប្រើហ្មង
ចន្លោះមិនឃើញ
ទំនោរនៃការប្រើប្រាស់រថយន្តអគ្គិសនីក្នុងស្រុកកាន់តែមានកំណើនហើយ ពិសេសរាជរដ្ឋាភិបាល ក៏ដូចជាក្រសួងសាធារណការ និងដឹកជញ្ជូន ថ្មីៗនេះបានធ្វើកម្មវិធីជាច្រើនដើម្បីជំរុញការប្រើប្រាស់យានយន្តអគ្គិសនី ក្នុងនោះគឺមានការដំឡើងស្ថានីយសាកភ្លើងជាបន្តបន្ទាប់ ដែលវាអាចសាកលឿន ជាមួយតម្លៃធូរថ្លៃ។
ក្នុងបទសម្ភាសន៍ជាមួយអ្នកសារព័ត៌មានក្នុងពិធីសម្ពោធបើកឱ្យដំណើរការជាផ្លូវការមណ្ឌលផ្តល់សេវាសាធារណៈ និងស្ថានីយបញ្ចូលថាមពលយានយន្តអគ្គិសនី នៅផ្សារទំនើប ហ្វូរី ថាម សឃ្វែរ ម៉ល ខេត្តព្រះសីហនុ ឯកឧត្តម ទេសរដ្ឋមន្រ្តី ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន បានថ្លែងថា តម្លៃនៃការសាកភ្លើងគឺអាស្រ័យតាមទីតាំងនីមួយៗ។
ឯកឧត្តមបញ្ជាក់ថា ជាមធ្យមគឺ ១៣០០រៀលក្នុង១គីឡូវ៉ាត់ ហើយបើបើក ១០០គីឡូម៉ែត្រ ចំណាយតែ ៣ ទៅ ៤ដុល្លារប៉ុណ្ណោះ តែបើរថយន្តប្រើសាំងគឺអស់ច្រើនជាងនេះ។ ការប្រើរថយន្តអគ្គិសនី ក៏មានផលចំណេញផ្សេងទៀតដែរ ពិសេសគឺពន្ធនាំចូលដែលរដ្ឋកាត់បន្ថយដល់ ៥០%។ ជាមួយគ្នានេះ កម្ពុជា គ្រោងនឹងដំឡើងស្ថានីយសាកភ្លើងនៅទូទាំងប្រទេស ដោយមានការចូលរួមពីវិស័យឯកជន។
បើតាមឯកឧត្តម ស៊ុន ចាន់ថុល ការប្រើប្រាស់រថយន្តអគ្គិសនីនេះ គឺនឹងមិនសូវខូចច្រើនទេ ដោយសារតែវាផ្អែកទៅលើអាគុយ ដែលមានអាយុកាលពី ៥ ទៅ ៨ឆ្នាំ ហើយក៏គ្រោងនឹងរៀបចំកន្លែងបោះបង់ចោលអាគុយ ឬកែច្នៃឡើងវិញ ដើម្បីកាត់បន្ថយផលប៉ះពាល់បរិស្ថាន៕
