ក្រុមបងធំ Hacker បានបង្ហោះសារមួយក្រោយពេលជោគជ័យចូលទៅគ្រប់គ្រងនិងបិទបានសម្រេចលើ ប្រព័ន្ធផ្កាយរណបស៊ើបការសម្ងាត់នេះគឺជាប្រព័ន្ធផ្កាយរណបសំខាន់មួយនៅក្នុង ទីភ្នាក់ងារអវកាសរុស្ស៊ី។ ក្រោយប្រតិបត្តិការផ្ទួនៗជាច្រើនថ្ងៃពីសំណាក់ក្រុមមួយនេះធ្វើឲ្យក្រុមអ្នកជំនាញរុស្ស៊ីមិនអាចបញ្ជាលើប្រព័ន្ធបានទេ។

ក្រុមអនាមិកមួយក្រុមឈ្មោះនោះ Network Battalion 65 ឬ ‘NB65’ សរសេរនៅលើ Twitter ថា៖ “ពួកយើងមិនបញ្ឈប់ជាដាច់ខាត លុះត្រាឯង[រុស្ស៊ី]ឈប់មុនលើការទម្លាក់គ្រាប់សម្លាប់ពលរដ្ឋស្លូតត្រង់ និងឈប់ជាបន្ទាន់ការឈ្លានពានទាំងគឃ្លើន។”

ក្រោយមកលោក Dmitry Rogozin ជាប្រធានគ្រប់គ្រងទូទៅអវកាស រុស្ស៊ី ក៏ចេញមុខឆ្លើយតបថា៖ "មិនដូចការលើកឡើងពួក [Scammer] ទាំងនោះទេ ឥឡូវនេះយើងនៅតែបញ្ជាប្រព័ន្ធបាន។” លើសពីនេះ លោកក៏ផុសឌឺដងដាក់រូបបែបកំប្លែងៗមកលើ សមត្ថភាពក្រុមហេគឃ័រអ៊ុយក្រែនទៀតផង។

រំឮកផងដែរថា ចំនួន​អ្នកស្ម័គ្រចិត្តចូលរួមជា Cyber Army កើនឡើងដល់ចំនួន ២៦០ ០០០ នាក់ចូលប្រឡូកក្នុងសង្រ្គាម Cyber Attack ជួយអ៊ុយក្រែនប្រឆាំងនឹងរុស្ស៊ី សុទ្ធតែអ្នកជំនាញនិងមានទេពកោសល្យផ្នែក Cyber ៕

ប្រែសម្រួលដោយ៖ រក្សា | ប្រភព៖ securityaffairs