- 2022-03-03 02:24:00
- ផលិតផលថ្មី
ឃើញ Toyota និង Lexus ធ្វើរឿងភ្ញាក់ផ្អើលខ្លាំងមួយកាលចុងឆ្នាំ ឥឡូវ Hyundai និង Genesis ធ្វើតាមដែរ!
- 2022-03-03 02:24:00
- ចំនួនមតិ 0 | ចំនួនចែករំលែក 0
ឃើញ Toyota និង Lexus ធ្វើរឿងភ្ញាក់ផ្អើលខ្លាំងមួយកាលចុងឆ្នាំ ឥឡូវ Hyundai និង Genesis ធ្វើតាមដែរ!
ចន្លោះមិនឃើញ
បន្ទាប់ពី Toyota និង Lexus បានរួមគ្នាបង្កើតព្រឹត្តិការណ៍ដ៏គួរឱ្យភ្ញាក់ផ្អើលបំផុតកាលពីចុងឆ្នាំកន្លងទៅ គឺការប្រកាសចេញនូវរថយន្តអគ្គិសនីអនាគត ១៥ម៉ូដែល ពេលនេះក្រុមហ៊ុនកូរ៉េ Hyundai និង Genesis ក៏បានបង្ហាញពីគម្រោងអនាគតផងដែរ គឺបញ្ចេញរថយន្តគំរូរថយន្តអគ្គិសនីថ្មី ១៧ម៉ូដែល ដែលគ្រោងនឹងផលិតនៅត្រឹមឆ្នាំ២០៣០ ជាមួយក្តីរំពឹងថា នឹងលក់បាន ១,៨៧លានគ្រឿង។
គម្រោងយុទ្ធសាស្រ្តថ្មីរបស់ក្រុមហ៊ុន មាន៣សំខាន់ៗ បង្កើនសមត្ថភាពផលិត, ការប្រកួតប្រជែងផលិតផល និងការប្រកួតប្រជែង software។ Hyundai ចង់ក្លាយជាម៉ាកផលិតផលដែលគ្មានការបញ្ចេញផ្សែងពុល នៅត្រឹមឆ្នាំ២០៤៥ ក្នុងនោះនឹងលក់តែរថយន្តអគ្គិសនីសុទ្ធនៅអឺរ៉ុប ត្រឹមឆ្នាំ២០៣៥ ហើយនិងនៅទីផ្សារទាំងអស់លើពិភពលោក ត្រឹមឆ្នាំ២០៤០។
រថយន្តអគ្គិសនីរបស់ក្រុមហ៊ុនខាងលើ នឹងត្រូវអភិវឌ្ឍលើគ្រោងឆ្អឹងថ្មីដែលវិវត្តន៍ពីគ្រោងឆ្អឹង E-GMP បច្ចុប្បន្ននៅលើរថយន្ត Hyundai Ioniq 5, Kia EV6 និង Genesis GV60។ គ្រោងឆ្អឹងថ្មីនោះហៅថា Integrated Modular Architecture ដែលវានឹងជួយដល់ការពង្រីកចម្ងាយបើកបរពេលសាកភ្លើងពេញ ជាង ៥០% ឯណោះ។
គួរដឹងដែរថា រថយន្តអគ្គិសនីថ្មី ១៧ម៉ូដែលនោះ គឺ ១១ម៉ូដែលជារបស់ Hyundai ដែលរួមមានប្រភេទ Sedan ចំនួន៣, SUV ចំនួន៦, ប្រភេទ LCV ចំនួន១ និងម៉ូដែលថ្មី ចំនួន១។ សល់ ៦ម៉ូដែលទៀត គឺជារបស់ Genesis ដែលជាប្រភេទ SUV ចំនួន៤ និងរថយន្តថ្មីចំនួន២៕