Apple បានបញ្ចេញ iPhone SE ពីរម៉ូឌែលកាលពីឆ្នាំ២០១៦ និង ២០២០ ហើយនៅឆ្នាំ២០២២ ខែមីនា ខាងមុខ មានដំណឹងចចាមអារ៉ាមថា ម៉ូឌែល SE នឹងលេចវត្តមានម្ដងទៀត ដោយនឹងក្លាយជាទូរសព្ទ 5G ដែលមានតម្លៃសមរម្យបំផុតរបស់ Apple និងអាចអូសទាញអ្នកប្រើ Android ឱ្យមកប្រើស្មាតហ្វូននេះប្រមាណជា ១ពាន់លាននាក់ ផងដែរ ។

តោះ! យើងនឹងមកដឹងលក្ខណៈសម្បតិ្តត្រួសៗពី iPhone SE 2022៖

ការឌីហ្សាញ មានពីរផ្លូវ អ្នកវិភាគលើកឡើងផ្សេងគ្នា ថាវាអាចនៅរក្សារូបរាងដដែល ប្រើអេក្រង់ LCD ៤,៧អ៊ិញ ដូចទៅនឹង iPhone 8 ហើយខ្លះទៀតថា វានឹងប្រើអេក្រង់ ៥,៥អ៊ិញ ឌីហ្សាញយកលំនាំតាម iPhone XR ពិសេសគឺដាក់ប៊ូតុងស្គេននៅចំហៀងនឹងប៊ូតុងបិទបើក។

បន្ទះឈីប និងទំហំផ្ទុក គេរំពឹងទុកថា វានឹងយកលំនាំតាម iPhone 13 ដែលប្រើបន្ទះឈីប A15 Bionic និងទំហំផ្ទុកចាប់ពី 128GB ឡើងទៅ។

កាមេរ៉ា មិនមានដំណឹងច្រើនពីកាមេរ៉ាវានោះទេ ប៉ុន្ដែគេរំពឹងថាបន្តប្រើលែនមួយគ្រាប់ដូចជំនាន់មុនដដែល។

សេវាទូរសព្ទ អាប់ឌែតពី 4G ទៅកាន់សេវា 5G។

បច្ចេកវិទ្យាសាកថ្ម មិនគាំទ្របច្ចេកវិទ្យាសាកថ្ម Wireless ចុងក្រោយ MagSafe។

ថ្ងៃដាក់បង្ហាញ យោងតាម Bloomberg iPhone SE 3 អាចនឹងត្រូវបានបង្ហាញនៅ ថ្ងៃទី៨ ខែមីនា។

តម្លៃ គេរំពឹងទុកថាអាចមានតម្លៃប្រមាណជា ៣៩៩ដុល្លារ៕