ថ្មីៗនេះក្រុមហ៊ុនរថយន្តរបស់កូរ៉េខាងត្បូងបានប្រកាសជាផ្លូវការ នូវតម្លៃរបស់រថយន្តអគ្គិសនី Kia EV6 ឆ្នាំ២០២២ នៅសហរដ្ឋអាមេរិក។ ចំពោះតម្លៃរបស់វា ចែកចេញជា៤ខុសគ្នា ទៅតាមចំងាយបើកបរ និង Option ដូចខាងក្រោម៖

• ម៉ូឌែល EV6 Light RWD ប្រើប្រាស់អាគុយទំហំ ៥៨គីឡូវ៉ាត់ម៉ោង និងម៉ូទ័រអគ្គិសនីមួយ មានកម្លាំង ១៦៧សេះ ប្រើប៉ុងក្រោយ អាចបើកបរបានចម្ងាយ ២៣០ម៉ាយ៍ ឬប្រហែល ៣៧០គីឡូម៉ែត្រ។ ដាក់លក់ក្នុងតម្លៃ ៤០,៩០០ដុល្លារ។

• ម៉ូឌែល EV6 Wind RWD ប្រើប្រាស់អាគុយទំហំ ៧៧,៤គីឡូវ៉ាត់ម៉ោង និងម៉ូទ័រអគ្គិសនីមួយ មានកម្លាំង ២១៨សេះ ប្រើប៉ុងក្រោយ អាចបើកបរបានចម្ងាយ ៣១០ម៉ាយ៍ ឬប្រហែល ៥០០គីឡូម៉ែត្រ។ ដាក់លក់ក្នុងតម្លៃ ៤៧,០០០ដុល្លារ។

• ម៉ូឌែល EV6 Wind Dual Motor e-AWD ប្រើប្រាស់អាគុយទំហំ ៧៧,៤គីឡូវ៉ាត់ម៉ោង និងម៉ូទ័រអគ្គិសនីពីរ មានកម្លាំង ៣២០សេះ ប្រើប៉ុងពីរ អាចបើកបរបានចម្ងាយ ២៧៤ម៉ាយ៍ ឬប្រហែល ៤៤០គីឡូម៉ែត្រ។ ដាក់លក់ក្នុងតម្លៃ ៥០,៩០០ដុល្លារ។

• ម៉ូឌែល EV6 GT-Line RWD ប្រើប្រាស់អាគុយទំហំ ៧៧,៤គីឡូវ៉ាត់ម៉ោង និងម៉ូទ័រអគ្គិសនីមួយ មានកម្លាំង ២១៨សេះ ប្រើប៉ុងក្រោយ អាចបើកបរបានចម្ងាយ ៣១០ម៉ាយ៍ ឬប្រហែល ៥០០គីឡូម៉ែត្រ។ ដាក់លក់ក្នុងតម្លៃ ៥១,២០០ដុល្លារ។

• ម៉ូឌែល EV6 GT-Line Dual Motor e-AWD ប្រើប្រាស់អាគុយទំហំ ៧៧,៤គីឡូវ៉ាត់ម៉ោង និងម៉ូទ័រអគ្គិសនីពីរ មានកម្លាំង ៣២០សេះ ប្រើប៉ុងពីរ អាចបើកបរបានចម្ងាយ ២៧៤ម៉ាយ៍ ឬប្រហែល ៤៤០គីឡូម៉ែត្រ។ ដាក់លក់ក្នុងតម្លៃ ៥៥,៩០០ដុល្លារ៕