សាលារៀនជំនាន់ថ្មី NGS នៃវិទ្យាល័យព្រះស៊ីសុវត្ថិ សូមជម្រាបជូនដល់សិស្សានុស្សិតដែលទើបនឹង​បញ្ចប់ការប្រឡងថ្នាក់ជាតិសញ្ញាប័ត្រទុតិយភូមិឆ្នាំ ២០២១ កន្លងទៅទាំងអស់ឲ្យបានជ្រាបថា កម្មវិធីសាលារៀនជំនាន់ថ្មីសាលាត្រូវការជ្រើសរើសសិស្សដើម្បីផ្តល់អាហារូបករណ៍សរុប ១៥ នាក់ប៉ុណ្ណោះ ដែលផ្តល់ជូនដោយ​សាកលវិទ្យាល័យ​បច្ចេកវិទ្យា​​ និងវិទ្យសាស្រ្ត​កម្ពុជា CamTech ។

ចំពោះអាហារូបករណ៍ពេញថ្លៃ ១០០% ចំនួន ៥ នាក់មានតម្លៃខ្ទង់ ១៦០០០ ដុល្លារក្នុងម្នាក់ៗ និងអាហារូបករណ៍ ៧៥% ចំនួន១០នាក់ សម្រាប់ការសិក្សាថ្នាក់បរិញ្ញាប័ត្រ រយៈពេល ៤ ឆ្នាំក្នុងឆ្នាំសិក្សា ២០២២-២០២៣ តទៅ។

មុខជំនាញឯកទេសមានដូចជា៖ ជំនាញវិស្វកម្មរ៉ូបូត និងស្វ័យប្រវត្តិកម្ម ជំនាញវិស្វកម្មវិទ្យាសាស្រ្តទិន្នន័យ និងបញ្ញសិប្បនិម្មិត, ជំនាញសន្ដិសុខតាមប្រព័ន្ធអ៊ីនធើណិត Cybersecurity, ជំនាញស្ថាបត្យកម្ម Architecture ជំនាញរចនាផ្នែកខាងក្នុង និងបច្ចេកវិទ្យាអប់រំ។

ប្រសិនបើចាប់អារម្មណ៍ សូមអាចចុះឈ្មោះតាមរយៈស្កេន QR Code ក្នុងលិខិតប្រកាសរបស់សាកលវិទ្យាល័យបច្ចេកវិទ្យា និងវិទ្យសាស្រ្តកម្ពុជា CamTech ចុះថ្ងៃទី ២៩ ធ្នូ ២០២១ កន្លងទៅ។

បេក្ខជនដែលបានដាក់ពាក្យនិងត្រូវឆ្លងកាត់ការប្រឡង និងសម្ភាសន៍ផ្ទាល់ដោយ សាកលវិទ្យាល័យខេមតិច។ សូមអានសេចក្តីជូនដំណឹងខាងក្រោម៖