- 2021-12-24 02:33:55
- ផលិតផលថ្មី
Huawei ចេញវែនតាវៃឆ្លាត មិនជ្រាបទឹក អាចនិយាយនិងស្តាប់ចម្រៀង តម្លៃជាង២០០ដុល្លារ
- 2021-12-24 02:33:55
- ចំនួនមតិ 0 | ចំនួនចែករំលែក 0
Huawei ចេញវែនតាវៃឆ្លាត មិនជ្រាបទឹក អាចនិយាយនិងស្តាប់ចម្រៀង តម្លៃជាង២០០ដុល្លារ
ចន្លោះមិនឃើញ
ក្រុមហ៊ុន Huawei បានប្រកាសចេញជាផ្លូវការនូវវែនតាវៃឆ្លាតរបស់ខ្លួន កាលពីថ្ងៃទី២៣ ខែធ្នូ ឆ្នាំ២០២១ ដោយមានរាងជា Boston-style, Wellington និង Aviator frame។ ឡេនមានពីរប្រភេទ គឺ សថ្លា (prescription) និង ខ្មៅការពារពន្លឺព្រះអាទិត្យ (sunshades)។
ចំណុចដ៏ទាក់ទាញ គឺវែនតាវៃឆ្លាតនេះ បានបំពាក់ជាមួយ spearker ទំហំ ១២៨មម នៅលើដងវែនតាសងខាង ហើយមានរន្ធមីក្រូហ្វូនដែលអាចនិយាយបានទៀតផង។ វាដំណើរការដោយប្រព័ន្ធប្រតិបត្តិការ HarmonyOS ដែលអភិវឌ្ឍដោយក្រុមហ៊ុន Huawei ផ្ទាល់។
វែនតាវៃឆ្លាតនេះ មានមុខងារពិសេសក្នុងការតាមដានសុខភាពភ្នែក និងការពារការជ្រាបទឹក IPX4។ ថ្មរបស់វាកាន់បាន ១៦ម៉ោងក្នុងនោះ បើនិយាយ គឺបាន ៤ម៉ោងកន្លះ និងស្តាប់ចម្រៀងបានដល់ ៦ម៉ោង។
Huawei បានដាក់លក់វែនតានេះក្នុងតម្លៃ ២៦៦ដុល្លារ (សម្រាប់ប្រភេទឡេន prescription) និង ២៩៩ដុល្លារ (សម្រាប់ឡេន sunglasses)៕
