- 2021-12-20 04:18:57
- ផលិតផលថ្មី
វែនតាវៃឆ្លាតដំបូងរបស់ Huawei បំពាក់ Speaker ២គ្រាប់ និងអាចប្តូរឡេនបាន
- 2021-12-20 04:18:57
- ចំនួនមតិ 0 | ចំនួនចែករំលែក 0
វែនតាវៃឆ្លាតដំបូងរបស់ Huawei បំពាក់ Speaker ២គ្រាប់ និងអាចប្តូរឡេនបាន
ចន្លោះមិនឃើញ
ក្រុមហ៊ុន Huawei គ្រោងនឹងប្រកាសចេញជាផ្លូវការនូវវែនតាវៃឆ្លាតដំបូងរបស់ខ្លួន Huawei Smart Glass នៅថ្ងៃទី២៣ ខែធ្នូខាងមុខ។
វែនតានេះ នឹងដំណើរការដោយប្រព័ន្ធប្រតិបត្តិការ HarmonyOS ដែលអភិវឌ្ឍដោយផ្ទាល់របស់ក្រុមហ៊ុន Huawei។ Huawei បានហៅវាថា «ជំនួយការផ្ទាល់ខ្លួនវៃឆ្លាតបន្ទាប់របស់អ្នក» ហើយបានតាមរយៈវីដេអូ teaser ដែលក្រុមហ៊ុននេះបានបញ្ចេញ បង្ហាញឱ្យដឹងថា វែនតានេះគឺអាចផ្លាស់ប្តូរឡេនបាន និងមាន speaker២គ្រាប់ នៅលើដងវែនតានេះទៀតផង។
គួរកត់សម្គាល់ដែរថា គម្រោងប្រកាសចេញវែនតាវៃឆ្លាតរបស់ Huawei គឺធ្វើឡើងតែប៉ុន្មានថ្ងៃប៉ុណ្ណោះ បន្ទាប់ពី OPPO បានបញ្ចេញនូវវែនតា Air Glass លើកដំបូងរបស់ខ្លួន ក្នុងព្រឹត្តិការណ៍ INNO Day 2021 កាលពីថ្ងៃទី១៤ ខែធ្នូ ឆ្នាំ២០២១។
Huawei ធ្លាប់បានបញ្ចេញវែនតាវៃឆ្លាត ២ជំនាន់រួចមកហើយដែរ ប៉ុន្តែធ្វើឡើងក្រោមកិច្ចសហការជាមួយក្រុមហ៊ុន Gentle Monster ហើយពុំមានមុខងារអ្វីច្រើននោះទេ។ ដោយឡែកសម្រាប់វែនតាឆ្លាតវៃថ្មីខាងមុខ គឺផលិតឡើងដោយ Huawei ផ្ទាល់តែម្តង ដោយពុំមានកិច្ចសហការជាមួយក្រុមហ៊ុនណានោះទេ៕
