- 2021-11-30 06:00:57
- ផលិតផលថ្មី
Samsung ចេញលក់ឆ្នាំងសាក 35W តម្លៃ៣០ដុល្លារ ប្រើបានទាំងស្មាតហ្វូន Android និង iPhone
- 2021-11-30 06:00:57
- ចំនួនមតិ 0 | ចំនួនចែករំលែក 0
Samsung ចេញលក់ឆ្នាំងសាក 35W តម្លៃ៣០ដុល្លារ ប្រើបានទាំងស្មាតហ្វូន Android និង iPhone
ចន្លោះមិនឃើញ
ក្រុមហ៊ុន Samsung បានបញ្ចេញលក់ឆ្នាំងសាកដ៏ធំបំផុតរបស់ខ្លួន 35W Power Adapter Duo TA220 ជាផ្លូវការ ដែលវាអាចសាកបានលឿនជាមួយស្មាតហ្វូត Android និង iPhone។
ឆ្នាំងសាកនេះ អាចប្រើជាមួយកាស TWS earbud និង Power Bank ដោយវាមានរន្ធ USB-C និង USB-A និងដាក់ត្រូវគ្នាជាមួយឆ្នាំងសាកឥតខ្សែផងដែរ។ ចំពោះការសាកថ្មវិញ វានឹងប្រើកម្លាំង 35W សម្រាប់ខ្សែសាក USB-C និង 15W សម្រាប់ខ្សែសាក USB-A។
Samsung អះអាងថា បើយកឆ្នាំងសាកនេះមកប្រើជាមួយស្មាតហ្វូនត្រកូល Galaxy គឺអាចសាកលឿនជាងមុន ៥០% ឯណោះ ពិសេសគឺជាមួយ ស្មាតហ្វូនចាប់ពី Galaxy Note 10 និង S10 5G ឡើងទៅ។
ឆ្នាំងសាក 35W នេះត្រូវបានដាក់លក់ក្នុងប្រទេសឥណ្ឌា តម្លៃប្រមាណ ៣០ដុល្លារ ចាប់ពីថ្ងៃទី២៩វិច្ឆិកា ដោយដាក់លក់នៅតាមហាង និងវេបសាយរបស់ក្រុមហ៊ុន Samsung ផ្ទាល់។
គួរកត់សម្គាល់ដែរថា Samsung បានចាប់ផ្តើមដកឆ្នាំងសាក និងកាស ចេញពីប្រអប់ទូរសព្ទ ជាបណ្តើរៗហើយ ដោយក្រុមហ៊ុនបានលើកឡើងពីការជួយដល់បរិស្ថាន ហើយថាស្មាតហ្វូនថ្មីអាចប្រើជាមួយឆ្នាំងសាកចាស់បាន៕
